Annabi - tsira da amincin Allah su tabbata agare shi - ya bada labarin sashin siffofin 'yan aljanna da 'yan wuta. Mafi yawancin 'yan aljanna sune: "Dukkan mai rauni mai ƙanƙar da kai", wato: Mai ƙanƙan da kai mai ƙanƙanr da kai ga Allah - Maɗaukakin sarki -, mai ƙasƙantar da kansa gareShi, har takai wasu daga mutane suna raunana shi kuma suna wulaƙanta shi, wannan mai ƙasƙantar da kai ga Allah - Maɗaukakin sarki - da zai yi rantsuwa da Allah dan kwaɗayi a cikin karamcin Allah - Maɗaukakin sarki -, da Allah Ya kuɓutar da shi, kuma Ya tabbatar masa da abinda ya yi rantsuwa akansa kuma Ya amsa buƙatarsa da addu'arsa. Kuma mafi yawancin 'yan wuta su ne: Dukkan "Mai ƙaton ciki" shi ne mai kaushin zuciya, mai bushewar zuciya mai tsananin husuma, ko mai alfasha wanda ba ya jawuwa ga alheri, "Mai yawan girman kai" shi ne mai girman kai, mai yawan ci, mai ƙiba, mai taƙama a tafiyarsa, mai mummunar ɗabi'a, "Mai girman kai" saboda butulcewarsa ga gaskiya, da kuma wulaƙanta waninsa.

• Kwaɗaitarwa akan siffantuwa da siffofin 'yan aljanna, da kuma gargaɗarwa daga siffofin 'yan wuta.
• Kanƙantar da kai yana kasancewa ne ga Allah - Mai girma da ɗaukaka -, da umarninSa da haninSa, da jawuwa garesu, kuma yana kasancewa ne ga halitta da rashin yi musu girman kai.
• Ibnu Hajar ya ce: Abin nufi cewa mafi yawancin 'yan aljanna sune waɗannan, kamar yadda mafi yawancin 'yan wuta sune ɗaya ɓangaren, bawai abin nufi shi ne gamewa a ɓangarori biyun ba.

1. Gida
2. Aqida
3. Imani da Ranar Lahira
4. Rayuwar Lahira
5. Hadith

• {Sannan lallai wallahi za a tambayeku a wannan yinin game da ni'ima}
• Lallai Allah ba ya zalintar mumini wani kyakkyawa, za'a ba shi a duniya kuma za’a yi masa sakayya da ita a lahira
• Mune ƙarshen al'ummu, kuma waɗanda za'a fara yi wa hisabi
• ‌Duk wanda ya zama yana da wani abin da ya zalinci ɗan uwansa da shi na mutuncinsa ne ko wani abu to ya yi ƙoƙarin warwarewa daga gare shi a yau, tun kafin lokacin da babu dinari ko dirhami