ഇഹലോകത്തെയും പരലോകത്തെയും നന്മകൾ ഒരുമിപ്പിക്കുന്ന, ചുരുങ്ങിയ വാക്കുകളിൽ വലിയ ആശയമുൾക്കൊള്ളുന്ന പ്രാർത്ഥനകൾ നബി (ﷺ) ഇഷ്ടപ്പെട്ടിരുന്നു. അല്ലാഹുവിനെ പ്രകീർത്തിക്കുകയും, സദുദ്ദേശ്യത്തോടെയുള്ള തേട്ടങ്ങളും മാത്രം ഉൾക്കൊള്ളിക്കുന്നതും, (ആവശ്യമില്ലാത്ത) മറ്റു കാര്യങ്ങൾ ഉപേക്ഷിക്കുകയും ചെയ്യുന്ന തരത്തിലുള്ള പ്രാർത്ഥനകളായിരുന്നു അവ.

• നന്മയുടെ എല്ലാ വശങ്ങളും ചുരുങ്ങിയ വാക്കുകളിൽ ഉൾക്കൊള്ളുന്ന പ്രാർത്ഥനാ വചനങ്ങൾ പ്രയോഗിക്കുന്നത് പുണ്യകരമാണ്. അല്ലാഹുവിനോടുള്ള തേട്ടങ്ങളിൽ അനാവശ്യമായ പദപ്രയോഗങ്ങളും നീട്ടിവലിച്ച വിശദീകരണങ്ങളും ഉപയോഗിക്കുന്നത് വെറുക്കപ്പെട്ടതാണ്. നബി (ﷺ) യുടെ മാതൃകക്കും അത് വിരുദ്ധമാണ്.
• ചുരുങ്ങിയ വാക്കുകളിൽ ആശയപ്രപഞ്ചം ഉൾക്കൊള്ളിക്കാൻ സാധിക്കുന്ന വിധത്തിൽ 'ജവാമിഉൽ കലിം' എന്ന സവിശേഷത നബി (ﷺ) ക്ക് പ്രത്യേകമായി നൽകപ്പെട്ടിരുന്നു.
• നബി (ﷺ) യിൽ നിന്ന് സ്ഥിരപ്പെട്ട പ്രാർത്ഥനകൾ ശീലമാക്കാനുള്ള പരിശ്രമം അനിവാര്യമാണ്; അവിടുത്തെ പ്രാർത്ഥനകൾ സുദീർഘമാണെങ്കിലും അതിലെ വാക്കുകൾ കൂടുതലുണ്ടെങ്കിൽ പോലും ആ പ്രാർത്ഥനകളെല്ലാം ആശയസമ്പുഷ്ടങ്ങളായിരുന്നു.