Manazava i Mpaminany (S.W.A) ny Zon'i Tompo Allah amin'ny mpanompony, sy ny Zon'ireo mpanompo amin'i Tompo Allah, ary ny Zon'i Tompo Allah amin'ireo mpanompony dia ny fanompoana Azy irery ihany ka tsy hatambatra amin'ny zavatra hafa, Ary tena marina fa ny Zon'ireo mpanompo amin'i Tompo Allah dia tsy ny fanasaziany ireo mpanokana Azy amin'ny fanompoana ary tsy mba manambatra Izy amin'ny zavatra hafa. Avy eo Mouaz Niloam-bava ka Niteny ny hoe : O ! Ry Iraka mahafatokin'ny Tompo Allah moa va tsy holazaiko amin'Olona rehetra izany mba hifalian'izy ireo amin'izany fahasoavana lehibe sy goavana izany ? Ka nosakana'ny Mpaminany (S.W.A) izy mba tsy hianki-doha ny amin'izany

• Fanazavana sy famelabelarana ny Zon'i Tompo Allah izay nodidiany amin'ireo mpanompony, ary izany dia ny mba hanompoan'izy ireo Azy ary tsy hanakambana Azy amin'ny zavatra hafa.
• Fanazavana sy famelabelarana ny Zon'ireo mpanompo eo amin'i Tompo Allah izay efa nandidiany ny Tenany noho ny fahasoavana sy ny famindram-po misy avy Aminy, ka izany dia ny fampidirana azy ireo ao amin'ny Paradisa, ary ny tsy hanasaziany azy ireo.
• Amin'ny izany dia misy vaovao mahafaly sy mafinaritra ho an'izay manokana Azy, amin'ny fahatokanany ka izay Olona tsy manakambana Azy amin'ny zavatra hafa dia ny fiafaran' izy ireo dia lasa amin'ny fidirana ao amin'ny Paradisa.
• Niresaka izany petra-bolana izany i Mouaz (R.D) talohan'ny nahafatesany; satria natahotra ny amin'ny fahotana Izy noho ny eo amin'ny fanafenana ny fahalalana.
• Ny fampitandremana fatratra ny amin'ny tsy fanaparitahana ny ampahany amin'ireny petra-bolan'ny Mpaminany (S.W.A) amin'ny Olona sasany noho ny tahotra amin'ny tsy fahazahoany ny dikany, ka izany dia tsy tafiditra amin'ny asa na koa tsy misy fetra izay niferan'ny lalàna.
• Ireo mpanota sy mpanao fahadisoana nefa mbola mpanokana an'i Tompo Allah dia izy ireny dia mijanona ho eo ambany fahefan'ny Tompo Allah hatrany, raha Sitrany dia mety ho saziny ary raha Sitrany ihany koa dia mety havelany izy ireny, dia avy eo ny fiafaran'izy ireo dia mety lasa miafara amin'ny fidirana mankany amin'ny Paradisa.