ئەبو سەعیدی خودری -ڕەزای خوای لێبێت- باسی ئەوەمان بۆ دەكات كە پێغەمبەر -صلى اللە علیە وسلم- بە شەرمتر بوو زیاتر لە كچێكی تازە پێگەیشتوو كە هاوسەرگیری نەكردووە وهەڵسوكەوتی لەگەڵ مێرددا نەكردووە ولە ماڵەكەی خۆیدایە، و بەهۆی زۆر بەشەرمی كاتێك حەزی بە شتێك نەبووایە ڕووی دەگۆڕا وقسەی نەدەكرد، بەڵكو هاوەڵانیشی تێدەگەیشتن كە حەز بەو شتە ناكات تەنها بە سەیركردنی ڕووی.

• ڕوونکردنەوەى یەکێک لە ڕەوشتە جوانەکانى پێغەمبەر -صلى اللە علیە وسلم-؛ ئەویش ڕەوشتی شەرم وحەیایە، وئەمیش ڕەوشتێکی مەزنە.
• شەرمكردنی پێغەمبەر -صلى اللە علیە وسلم- لەكاتێكدا بوو ئەگەر حەرام نەكرایە وسنوورەكانی خودا تێنەپەڕێندرایە، بەڵام ئەگەر حەرامێك بكرایە ؛ ئەوا -صلى اللە علیە وسلم- توڕە دەبوو وفەرمانی بە هاوەڵانی دەكرد ونەهی لێدەكردن.
• هاندان وئامۆژگاری بۆ خۆڕازاندنەوە بە ڕەوشتی شەرمكردن؛ چونكە دەبێتە هۆی ئەنجامدانی كردەوە جوان وچاكەكان و وازهێنان ودووركەوتنەوە لە كردەوە ناشیرین وخراپەكان.

1. سه‌ره‌كی
2. ژیاننامە (سیرەت) ومێژوو
3. ژیاننامەی پێغەمبەر ﷺ (سیرەتی پێغەمبەر ﷺ)
4. تایبەتمەندییە موحەمەدیەکان
5. سیفەتە ڕەوشتییەکان
6. شەرم کردنی پێغەمبەر ﷺ
7. فەرموودە