پێغەمبەر -صلى اللە علیە وسلم- فەرمانیكردووە بە ڕاستگۆیی، وڕایگەیاندووە كە پابەندبوون پێوەی مرۆڤ دەگەیەنێت بە كردەوەی چاكی بەردەوام، وڕاهاتن لەسەر كاری خێر خاوەنەكەی دەگەیەنێت بە بەهەشت، ومرۆڤ بەردەوام ڕاستگۆ بێت لە نهێنی وئاشكرادا شایستەیە پێی بووترێت: ڕاستگۆ؛ ئەمیش كەسێكە لە بەرزترین پلەی ڕاستگۆییدایە. پاشان پێغەمبەر -صلى اللە علیە وسلم- هۆشداریدا سەبارەت بە درۆكردن و ووتنی قسەی پوچەڵ؛ چونكە دەبێتە هۆی دووركەوتنەوە لە پابەندبوون لەسەر ڕێگای ڕاست، ودەبێتە هۆی كردنی شەڕ وخراپە وتاوان، پاشان خاوەنەكەی دەگەیەنێتە دۆزەخ، وكەسێك بەردەوام درۆ دەكات هەتاوەكو لەلای الله بە درۆزن دەنووسرێت.

• ڕاستگۆیی ڕەوشتێکی جوان وڕێزدارە ئەمیش بە هەوڵدان وتێکۆشان بەدەست دێت، بۆیە کەسێک بەردەوام ڕاستگۆیە وبە دواى ڕاستگۆییدا دەگەڕێت، هەتاوەکو ڕاستگۆیی دەبێتە سروشت وخووی، ولای خواى گەورە بە ڕاستگۆ وچاکەکار دەنووسرێت.
• درۆکردن ڕەوشتێکی ناشیرینە بەهۆی زۆری درۆکردنەوە کەسێک دەبێتە درۆزن بە قسە وکردەوە، هەتاوەکو درۆکردن دەبێتە سروشت وخووی، وپاشان لای خواى گەورە بە درۆزن دەنووسرێت.
• ڕاستگۆیی ئەم مانایە لەخۆ دەگرێت: ڕاستگۆیی لە قسەكردندا، وئەمیش پێچەوانەی درۆكردنە، وڕاستگۆیی لە نیەتدا بریتیە لە دڵسۆزی، وڕاستگۆیی لە هیمەت وپێداگیری لە ئەنجامدانی خێر وچاكە، وڕاستگۆیی لە كردەوەدا، وڕاستگۆیی لەوەی ناخ وڕووكەشی وەكو یەك بێت، وڕاستگۆیی لە حاڵەتەكاندا ؛ وەكو ڕاستگۆیی لە ترس وهیوا وهتد، هەركەسێك ئەم سیفەتانە یان هەندێكیانی تێدا بێت ؛ ڕاستگۆیە.

1. سه‌ره‌كی
2. فەزڵەکان وئادابەکان
3. فیقهی ڕەوشتەکان
4. ڕەوشتە جوانەکان
5. فەرموودە

• خوای گەورە وەحی بۆ ناردووم بەوەى کە سادە بن بۆئەوەى هیچ یەكێک شانازی بەسەر یەكێكی ترەوە نەکات، وهیچ یەكێک ستەم لە یەكێكی تر نەكات
• من زامنی بەدەستهێنانى خانوویەک دەکەم لە لایەکی بەهەشتدا بۆ کەسێک واز لە ئاخاوتنی بێسوود بهێنێت ئەگەرچیش خۆی لەسەر هەق بێت
• ئەی پێغەمبەری خودا، چی کەسێک باشترینە
• خێرترینی هاوڕێ لە لای خوای گەورە؛ باشترینیانە بۆ هاوڕێکەى، وخێرترین دراوسێ لە لای خواى گەورە؛ باشترینیانە بۆ دراوسێکەى