پێغەمبەر -صلى اللە علیە وسلم- هۆشداریداوە سەبارەت بە خۆكوشتن بە ئەنقەستەوە لە دونیادا، چونكە لە ڕۆژی قیامەتدا سزاكەی ئەوەیە لە نێو ئاگری دۆزەخدا بە هەمان شێوە خۆی دەكوژێت كە لە دونیادا خۆی كوشت وەكو سزایەكی گونجاو بەرامبەر كردەوەكەی، هەركەسێك خۆی فڕێ بداتە خوارەوە لەسەر شاخێك وخۆی بكوژێت؛ ئەوا لە نێو ئاگری دۆزەخدایە وخۆی فڕێ دەداتە نێو دۆڵەكانی دۆزەخ بە بەردەوامی بۆ هەتاهەتایی، وئەوەی خۆی بكوژێت بە ژەهر خواردن؛ ئەوا ژەهرەكەی لە نێو دەستیدایە ولە نێو ئاگری دۆزەخدا دەیخوات بە بەردەوامی بۆ هەتاهەتایی، وئەوەی لە سكی خۆی بدات بە ئاسنێك وخۆی بكوژێت؛ ئەوا ئاسنەكەی لە نێو دەستیدایە ودەیخاتە نێو سكیەوە لە ئاگری دۆزەخدا بە بەردەوامی بۆ هەتاهەتایی.

• حەرامە مرۆڤ خۆی بكوژێت، ولە تاوانە گەورەكانە كە بەهۆیەوە شایستەیە سزای سەخت بدرێت.
• ئەوەی لە فەرموودەكەدا باسیكردووە هێنانەوەی هەندێك نمونەیە لە جۆرەكانی خۆكوشتن، ئەگەرنا بە هەر جۆرێكی تر خۆی بكوژێت بە هەمان شێوە سزا دەدرێت، لە سەحیحی بوخاریدا هاتووە كە پێغەمبەر -صلى اللە علیە وسلم- دەفەرموێت: «ئەوەی خۆی دەخنكێنیت لە دۆزەخیشدا هەر خۆی دەخنكێنێت، وئەوەی (بە ئاسن) لە خۆی دەدات لە دۆزەخیشدا هەر (بە ئاسن) لە خۆی دەدات».
• نەوەوی دەڵێت: كاتێك پێغەمبەر -صلى اللە علیە وسلم- دەفەرموێت: «لە ئاگری دۆزەخدایە بۆ بەردەوامی وهەتاهەتایی»؛ چەند وتەیەك لەمبارەیەوە هەیە، یەكەم: ووتراوە: ئاماژەیە بۆ ئەو كەسەی ئەم كارە دەكات وبە حەڵاڵی دەزانێت ئەگەرچیش لە ڕاستیدا دەزانێت كە حەرامە؛ بۆیە ئەم كەسە كافرە وئەمە سزاكەیەتی. دووەم: ووتراوە: مەبەست لە (بەردەوامی وهەتاهەتایی)؛ زۆری ماوەی مانەوەیە نەك هەقیقەت وڕاستی مانەوە بۆ هەتاهەتایی، هەروەكو دەووترێت: خوای گەورە دەسەڵات وموڵكی پادشا بۆ هەتاهەتایی بهێڵێتەوە. سێیەم: ووتراوە: ئەمە سزاكەیەتی، بەڵام خوای گەورە -سبحانه وتعالی- بەهۆی ڕەحمەت وبەخشندەیی خۆیەوە پێمانی ڕاگەیاندووە كە ئەوەی بە مسوڵمانێتی بمرێت بۆ هەتاهەتایە لە دۆزەخدا نامێنێتەوە.
• ئەمە نمونەیەكە لە هاوشێوەیی سزاكانی قیامەت بۆ تاوانەكانی دونیا، هەروەها ئاماژەیە بۆ ئەوەی لە گوناهباریدا تاوانی مرۆڤ دەرهەق بە نەفسی خۆی وەكو تاوان كردنیەتی دەرهەق بە خەڵكی تر؛ چونكە مرۆڤ خاوەنی نەفسی خۆی نییە، بەڵكو الله خاوەنیەتی ودروستی كردووە، بۆیە نابێت ڕكێفی پێوە بكات مەگەر بەو شێوەیەی ڕوخسەتی پێدراوە.

1. سه‌ره‌كی
2. فیقهی شەرعی وبنچینەکانی (الفقه وأصوله)
3. تاوانەکان
4. فەرموودە

1. سه‌ره‌كی
2. فەزڵەکان وئادابەکان
3. دڵ نەرمکارەکان وئامۆژگارییەکان
4. سەرزەنشتکردنی تاوانەکان
5. فەرموودە

• ئایا پێتان بڵێم (بوهتان - العَضْة) چییە؟ بریتیە لە دووزمانى کردن (نەمیمە کردن) لە نێو خەڵکیدا
• ئایا هەواڵتان پێ بدەم بە تاوانە گەورەکان؟
• ئەی پێغەمبەری خودا، ئەگەر پیاوێک هات و ویستی سەروەتم بدزێت؟
• نەفرەتی خودا لە دز، هێلکە دەدزێت؛ دەستی دەبڕدرێتەوە، وگوریس دەدزێت؛ دەستی دەبڕدرێتەوە