پیغمبر صلی الله علیه وسلم په دنیا کې په قصدي توګه د ځان وژنې په اړه خبرداری ورکړی چې چا قصداً ځان وژنه وکړه، نو د قیامت په ورځ به په همغې طریقه په دوزخ کې عذابېږي چې ځان یې وژلی دی، دا د هغه د عمل سره برابره سزا ده، نو چا چې له غره څخه په ځان غورځولو سره ځان وژنه وکړه، نو په دوزخ کې به د دوزخ له غرونو څخه لاندې راغورځول کېږي، تل به هلته وي، او چا چې زهر وڅښل او ځان وژنه یې وکړه، نو په دوزخ کې به یې زهر په لاس کې وي بیا بیا به یې څښي او د تل لپاره به هلته پکې وي، او چا چې په یوه اوسپنه ځان وواژه، نو اوسپنه به یې په لاس کې وي او بیا بیا به پرې خپله ګېډه سورۍ کوي، او د تل لپاره به په جهنم کې وي.

• انسان ته ځان وژنه حرامه ده او دا د هغو لویو ګناهونو څخه ده چې انسان پرې د سخت عذاب مستحق ګرځي.
• په حدیث کې چې کوم ډول ځان وژنه یاده شوې ده یوازې د بېلګې په موخه ده نه دا چې نورې طریقې معاف دي، کنه په هره طریقه چې انسان ځان ووژني، د قیامت په ورځ به په هماغه طریقه عذاب ورکول کېږي، په صحیح البخاري کې د رسول الله ﷺ وینا راغلې چې فرمایي: «څوک چې ځان زندۍ کوي، نو هغه به په اور کې هم ځان زندۍ کوي او څوک چې ځان په چاړه یا وسلې وهي، نو په دوزخ کې به هم ځان پرې وهي».
• نووي ویلي: د رسول الله ﷺ دا قول چې: هغه به د دوزخ په اور کې تل پاتې وي؛ نو ویل شوي چې په اړه یې څو اقوال راغلي دي: یو دا چې دا حکم د هغه چا لپاره دی چې ځان وژنه حلاله وګڼي او ویې کړي، سره له دې چې پوهېده دا کار حرام دی، نو دا کس کافر دی، او دا د هغه سزا ده، دویم دا چې د "خلود" معنا دلته د ډېر وخت پاتې کېدلو ده، نه دا چې ابدي وي، لکه څنګه چې ویل کېږي: "خلد الله ملک السلطان" یعني: الله دې د سلطان سلطنت اوږد کړي، نه دا چې تل پاتې وي، او درېیم قول دا دی چې: دا یې سزا ده، خو الله تعالی مهرباني کړې، نو خبر یې ورکړی چې څوک مسلمان مړ شو، هغه تل په دوزخ کې نه پاتې کېږي.
• دا د اخروي سزاوو د دنیوي جرمونو سره د مشابهت له مخې دی، او له دې څخه دا نتیجه اخیستل کېږي چې د انسان جرم پر خپل ځان هم داسې دی لکه پر بل انسان یې چې وکړي؛ ګناه یې یو شان ده؛ ځکه د انسان نفس د هغه ملکیت نه دی، بلکې د الله تعالی مِلک دی، نو انسان نشي کولای چې په هغه کې پرته له هغه څه تصرف وکړي چې الله تعالی اجازه ورکړې وي.

1. کور‌پاڼه
2. فقه او اصول یې
3. جنایتونه
4. حدیث

1. کور‌پاڼه
2. فضایل او آداب
3. زړه نرموونکي بیانونه او نصیحتونه
4. د ګناهونو بدي
5. حدیث

• درې قسمه کسانو سره به الله تعالی د قیامت په ورځ خبرې ونه کړي، نه به یې پاک کړي او د دوی لپاره به دردوونکی عذاب وي
• د ښه ملګري او بد ملګري مثال د مشکو والا او د پخ (آهنګر دی)،
• مؤمن به تل د خپل دين په پراخۍ او اسانتيا کې وي، تر څو یې چې حرامه وینه نه وی توی کړی
• کله چې زه (اسرا او معراج) ته پورته کړی شوم، نو د خلکو په یوې ډلې تېر شوم چې په اوسپنیزو نوکانو یې د خپلو مخونو او سینو غوښې شوکارې کولې