دایكی ئیمانداران (عائیشە) -ڕەزای خوای لێبێت- باسی ئەوەمان بۆ دەكات كە پێغەمبەر -صلى اللە علیە وسلم- كاتێك ئەم ئایەتەی بۆ دابەزی: ﴿إِذَا جَاءَ نَصْرُ اللَّهِ وَالفَتْحُ﴾ [النصر: 1] واتە: ﴿کاتێک کە یارمەتی وکۆمەکی خوا ھات لەگەڵ سەرکەوتن (شاری مەککە ئازاد کرا)﴾؛ قورئانی جێبەجێكرد ودەستبەجێ گوێڕایەڵی فەرمانی الله بوو كاتێك فەرمووی: ﴿فَسَبِّحۡ بِحَمۡدِ رَبِّكَ وَٱسۡتَغۡفِرۡهُ﴾ واتە: ﴿ئەوسا بە سوپاس وستایشی پەروەردگارت تەسبیحاتی ئەو بکە وداوای لێخۆشبوونی لێ بکە﴾، بۆیە لەپاش دابەزینی ئەم ئایەتانە؛ زۆرجار لەكاتی ڕكوع وسوجدە بردنی لە نوێژدا دەیفەرموو: (سُبْحَانَكَ: پاك وبێگەردی بۆ تۆ خودایە)؛ بە پاك وبە پیرۆزدانانی الله یە لە هەموو كەموكورتیەك كە شیاوی ئەو نین، (اللَّهُمَّ ربنا وبحمدك: حەمد وسوپاس بۆ تۆ ئەی پەروەردگارمان)؛ ستایشكردنێك كە شیاوی تۆیە بەهۆی كامڵی زات وسیفەت وكردەوەكانت، (اللَّهُمَّ اغْفِرْ لي: خودایە لێم خۆش بە)؛ گوناهەكانم بسڕەوە وچاوپۆشیان لێبكە.

• سوننەتە زۆر ئەم نزایە بکرێت لە کاتى ڕکوع وسوجدە بردندا.
• ئیستیغفار کردن -داواى لێخۆشبوون لە خواى گەورە- لە کۆتایی تەمەندا؛ ئاماژەیە بۆئەوەى دەبێت پەرستنەکانیش بە ئیستیغفار کردن کۆتایی بێت -بەتایبەتی نوێژکردن-، بۆئەوەى شوێنی ئەو کەموکورتیە بگرێتەوە کە تێیدا ڕوویداوە.
• باشترین تەوەسول وهۆکار بۆئەوەى خواى گەورە نزاکانى بەندە قبوڵ بکات و وەڵامی بداتەوە؛ بریتیە لە پاڕانەوە لە خواى گەورە بە حەمد وسوپاس وستایشکردنی، هەروەها تەسبیح کردن -دانپێدانان بە پاک وبێگەردی پەروەردگار لە هەموو کەموکورتیەک-.
• فەزڵ وپلە وپایەى داواى لێخۆشبوون لە خواى گەورە لە هەموو حاڵەتێکدا.
• ئاماژەیە بۆ کامڵێتی بەندایەتى پێغەمبەر -صلى اللە علیە وسلم- بۆ خواى گەورە، وگوێڕایەڵبوونی بۆ فەرمانەكانی پەروەردگاری.

1. سه‌ره‌كی
2. فیقهی شەرعی وبنچینەکانی (الفقه وأصوله)
3. فیقهی پەرستنەکان
4. نوێژ
5. زیکرەکانی نوێژ
6. فەرموودە

• واز مەهێنە لەوەی کە لە دوای هەموو نوێژێک بڵێیت: (اللَّهُمَّ أَعِنِّي عَلَى ذِكْرِكَ وَشُكْرِكَ وَحُسْنِ عِبَادَتِكَ)
• سەدەهەم تەواو بکات بە ووتنی: (لَا إِلَهَ إِلَّا اللهُ وَحْدَهُ لَا شَرِيكَ لَهُ، لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ)^؛ ئەوا خواى گەورە لە گوناهەکانى خۆش دەبێت ئەگەر گوناهەکانى وەکو کەفی سەر دەریاش بن...
• اللَّهُمَّ باعد بيني وبين خطاياي كما باعدت بين المشرق والمغرب
• پێغەمبەر -صلى اللە علیە وسلم- لە نێوان دوو سوژدەکەدا دەیووت: «اللهم اغفر لي، وارحمني، وعافني، واهدني، وارزقني