پێغەمبەر -صلى اللە علیە وسلم- لە مزگەوتدا بوو لەگەڵ هاوەڵانی، پیاوێكی ئەعرابی هات لە دەشتەوە، وەستا ولە شوێنێكی نێو مزگەوتەكەدا میزی كرد. هاوەڵان هاواریان بەسەریدا كرد، ووتیان: واز بهێنە وبوەستە. پێغەمبەر -صلى اللە علیە وسلم- فەرمووی: وازی لێبێنن، ومیزەكەی پێ مەبڕن، ئەوانیش وازیان لێهێنا هەتاوەكو میزەكەی تەواو كرد. پاشان پێغەمبەر -صلى اللە علیە وسلم- بانگی كرد وپێی فەرموو: گونجاو نییە ئەم مزگەوتانە بەکاربهێنرێت بۆ میز یان هەر پیسیەكی تر، بەڵکو دروستکراون بۆئەوەى یادی خواى گەورەی تێدا بکرێت -عز وجل-، ونوێژی تێدا بكرێت، وقورئانی تێدا بخوێندرێت وهتد. پاشان پێغەمبەر -صلى اللە علیە وسلم- فەرمانی كرد بە پیاوێك لە هاوەڵان وئەویش سەتڵێكی پڕ لە ئاوی هێنا، وبە ئاسانی كردی بەسەر شوێنی میزەكەدا.

• واجبێتی بەمەزندانانی مزگەوتەكان، وپاراستنیان وپاككردنەوەیان لەو شتانەی شیاو نین تێیاندا بێت.
• نەوەوی دەڵێت: فەرموودەكە ئاماژەیە بۆ پاراستنی مزگەوتەكان وپاككردنەوەیان لە شتی پیس وچڵك وبەڵغەم، ونەهی كردن لە: بەرزكردنەوەی دەنگ ومشتومڕ وناكۆكی تێیاندا، هەروەها نەهی كراوە لە كڕین وفرۆشتن وهەموو گرێبەستەكانی تر تێیاندا، وهەموو ئەو شتانەیشی هاوشێوەن لە مانایاندا.
• نەرمونیان بوون بەرامبەر كەسی نەزان وفێركردنی ئەوەی پێویستە بیزانێت بە بێ توندی وبێ ئازاردان ئەگەر سەرپێچی نەكات بەهۆی بەكەمدانان یان كەلەڕەقی.
• پێغەمبەر -صلى اللە علیە وسلم- مامۆستایەكی میهرەبان، وڕەوشت بەرزێكی نەرمونیان، وپەروەردەكارێكی لەسەرخۆ بوو.
• هاندان بۆ ئاوەدانکردنەوەى ماڵەکانى خواى گەورە -سبحانه وتعالى- بە نوێژکردن وقورئان خوێندن ویادی خواى گەورە.

1. سه‌ره‌كی
2. فیقهی شەرعی وبنچینەکانی (الفقه وأصوله)
3. فیقهی پەرستنەکان
4. نوێژ
5. حوکمەکانی مزگەوت
6. فەرموودە

• پێغەمبەری خودا -صلى اللە علیە وسلم- فەرمانیکرد بە دروستکردنی مزگەوتەکان لە گەڕەکەکاندا، وپاک بکرێنەوە
• خۆشەویستترین شوێن لە لای الله مزگەوتەکانن، وڕقاویترین شوێن لە لای الله بازاڕەکانن
• ئەگەر خەڵکی شار بوونایە، ئەوا بە لێدان ئازارم پێتان دەگەیاند، دەنگتان بەرز دەکەنەوە لە مزگەوتی پێغەمبەری خودا -صلى اللە علیە وسلم- !
• فەرمانم پێنەکراوە مزگەوتی بڵند دروست بکەم