নবী চাল্লাল্লাহু আলাইহি অছাল্লামে চাহাবাসকলৰ সৈতে মছজিদত বহি আছিল। সেই সময়তে এজন বেদুঈন আহি মছজিদত প্ৰৱেশ কৰিলে আৰু মছজিদৰ এটা চোকত গৈ প্ৰস্ৰাৱ কৰিবলৈ ধৰিলে। এই দেখি চাহাবাসকলে তাক ধমক দি ক'লেঃ হেৰা, বন্ধ কৰা, ইয়াত প্ৰস্ৰাৱ নকৰিবা। তেতিয়া নবী চাল্লাল্লাহু আলাইহি অছাল্লামে ক'লেঃ তাক এৰি দিয়া, বাধা নিদিবা। অৱশেষত সি প্ৰস্ৰাৱ সম্পন্ন কৰিলে। ইয়াৰ পিছত নবী চাল্লাল্লাহু আলাইহি অছাল্লামে তাক মাতি নি ক'লেঃ মছজিদসমূহ প্ৰস্ৰাৱকে আদি কৰি কোনো ধৰণৰ বেয়া বস্তুৰ বাবে উপযুক্ত নহয়। ইয়াত কেৱল আল্লাহৰ জিকৰ-আজকাৰ কৰা হয়, নামাজ পঢ়া হয় আৰু কোৰআন তিলাৱত কৰা হয়। ইয়াৰ পিছত নবী চাল্লাল্লাহু আলাইহি অছাল্লামে এজন চাহাবীক এক বাল্টি পানী আনিবলৈ নিৰ্দেশ দিলে। পানী এক বাল্টি অনাৰ পিছত সেই প্ৰস্ৰাৱৰ ওপৰত পানী ঢালি দিলে।

• মছজিদক যথাযত সন্মান দিয়া অনিবাৰ্য্য, লগতে ইয়াক সেইসমূহ বস্তুৰ পৰা ৰক্ষা কৰা অনিবাৰ্য্য যিবোৰ ইয়াৰ বাবে উপযুক্ত নহয়।
• ইমাম নাৱাৱী ৰাহিমাহুল্লাহে কৈছে: ইয়াৰ অন্তৰ্ভুক্ত হৈছে মছজিদসমূহক ময়লা-আৱৰ্জনা, থু-খেকাৰ আদিৰ পৰা পৰিষ্কাৰ-পৰিচ্ছন্ন ৰখা, উচ্চ স্বৰে কথা কোৱা, বাদ-বিবাদ, কিনা-বেচা আৰু অন্যান্য চুক্তি আদিৰ পৰা মছজিদক পবিত্ৰ ৰখা, লগতে এই ধৰণৰ সকলো কাম-কাজৰ পৰা মছজিদক মুক্ত ৰখা।
• অজ্ঞ লোকৰ প্ৰতি নম্ৰ ব্যৱহাৰ কৰিব লাগে আৰু সিহঁতক প্ৰয়োজনীয় কথা কোনো ধৰণৰ কষ্ট তথা কঠোৰতা আৰোপ নকৰাকৈ নম্ৰভাৱে শিকাব লাগে, যেতিয়ালৈকে সিহঁতে অবাধ্যতা বা আঁকোৰগোজ হৈ ইয়াক তুচ্ছজ্ঞান নকৰে।
• নবী চাল্লাল্লাহু আলাইহি অছাল্লাম এজন দয়ালু শিক্ষক, নম্ৰ অভিভাৱক আৰু সহনশীল তত্ত্বাৱধায়ক আছিল।
• আল্লাহৰ ঘৰ মছজিদসমূহক নামাজ, কোৰআন তিলাৱত আৰু আল্লাহৰ জিকৰ আজকাৰৰ দ্বাৰা সজীৱ কৰি ৰাখিবলৈ উৎসাহিত কৰা হৈছে।

1. মুখ্য পৃষ্ঠা
2. ফিক্হ আৰু উচুলে ফিক্হ
3. ইবাদাত সম্পৰ্কীয় ফিক্হ
4. নামাজ
5. মছজিদৰ বিধান
6. হাদীছ

• মানুহে মছজিদকলৈ অহংকাৰ নকৰালৈকে কিয়ামত সংঘটিত নহ'ব।
• মছজিদে হাৰামৰ বাহিৰে অন্যান্য মছজিদৰ তুলনাত মোৰ এই মছজিদত নামাজ পঢ়াটো এহেজাৰ গুণ উত্তম।
• “সিহঁত হৈছে এনেকুৱা এটা জাতি, সিহঁতৰ মাজৰ কোনোবা এজন পূণ্যৱান বান্দা অথবা পূণ্যৱান ব্যক্তি মৃত্যুবৰণ কৰিলে সিহঁতে তেওঁৰ কবৰৰ ওপৰত মছজিদ (ইবাদতৰ স্থান) নির্মাণ কৰিছিল...
• তোমালোকে তোমালোকৰ শাৰীবিলাক পোন কৰি লোৱা। কিয়নো শাৰীবিলাক পোন কৰি লোৱাটো হৈছে চালাতৰ পৰিপূৰ্ণতাৰ অন্তৰ্ভুক্ত।...