နဗီတမန်တော် (ဆွလ္လလ္လာဟုအလိုင်ဟိဝစလ္လမ်) သည် ဗလီအတွင်း၌ မိမိ၏ တပည့်သာဝကများနှင့်အတူ ရှိနေခဲ့သည်။ ထိုအချိန်တွင် ကျေးတော သားတစ်ဦးသည် တောအရပ်မှ ရောက်လာပြီး ဗလီ၏ ထောင့်တစ်နေရာတွင် ထိုင်ကာ ဆီးသွားခဲ့သည်။ ထိုအခါ ဆွဟာဗဟ်များက သူ့ကို ဆူပူကြိမ်းမောင်းခဲ့ကြပြီး "ရပ်လိုက်၊ ဆီးသွားတာရပ်လိုက်" ဟု ပြောဆိုကြသည်။ ထိုအခါ တမန်တော်မြတ် (ဆွလ္လလ္လာဟုအလိုင်းဟိဝစလ္လမ်) က "သူ့ကို လွှတ်ထားလိုက်ကြ၊ သူ့ဆီးသွားခြင်းကို မရပ်တန့်လိုက်နှင့်" ဟု မိန့်ကြားတော်မူခဲ့သည်။ ထိုအခါ ဆွဟာဗဟ်များက ထိုသူ ဆီးသွားပြီးသည်အထိ သူ့ကို လွှတ်ထားလိုက်ကြရသည်။ ထို့နောက် တမန်တော် (ဆွလ္လလ္လာဟုအလိုင်ဟိဝစလ္လမ်) သည် ထိုကျေးတောသားကိုခေါ်၍သူ့အား- ဧကန်စင်စစ် ဤဗလီဝတ်‌ကျောင်းတော်များသည် ဤကဲ့သို့ ကျင်ငယ်စွန့်ရန် သို့မဟုတ် ညစ်ညမ်းမှုများ မပြုလုပ်သင့်သော နေရာများဖြစ်သည်။ စင်စစ် ဗလီဝတ်‌ကျောင်းတော်များသည် အလ္လာဟ်အရှင်မြတ်အား သတိရတသခြင်း၊ ဆွလာသ်ဝတ်ပြုခြင်းနှင့် ကုရ်အာန်ကျမ်းတော်မြတ် ဖတ်ရွတ်ခြင်း စသည်တို့အတွက်သာ ဖြစ်သည် ဟု မိန့်ကြားတော်မူခဲ့‌လေသည်။ ထို့နောက် တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) သည် ဆွဟာဗီတစ်ဦးအား အမိန့်ပေးတော်မူခဲ့ရာ ၎င်းသည် ရေပြည့်နေသော ရေပုံးတစ်လုံးကို ယူလာကာ ယင်း ဆီးသွားခဲ့သည့်နေရာကို ဖြည်းညှင်းစွာ ရေလောင်း(ဆေးကြော)ခဲ့လေသည်။

• ဗလီဝတ်ကျောင်းတော်များကို ဂုဏ်ပေးလေးစားရန်နှင့် ဗလီဝတ်ကျောင်းတော်များနှင့် မသင့်‌လျော်သောအရာများမှ ၎င်းအား ထိန်းသိမ်းကာကွယ်ရန် အရေးကြီးခြင်း။
• နဝဝီက ဤသို့ဆိုသည်- ဤဟဒီးစ်တော်၌ ဗလီဝတ်ကျောင်းတော်များကို ထိန်းသိမ်းစောင့်ရှောက်ခြင်း၊ အညစ်အကျေးများ၊ အမှိုက်သရိုက်များ၊ တံတွေးများမှ သန့်ရှင်းစင်ကျယ်စေခြင်း၊ အသံကျယ်လောင်စွာစကားပြောခြင်း၊ ခိုက်ရန်ဖြစ်ပွါးခြင်း၊ ရောင်းဝယ်ဖောက်ကားမှုအားလုံးမှ ကင်းစင်စေရန် ပါရှိသည်။
• အသိပညာမရှိသူကို အကယ်၍ ၎င်းသည် မထီမဲ့မြင်ပြုသည့်အနေဖြင့် သို့မဟုတ် ခေါင်းမာမှုကြောင့် ဆန့်ကျင်ဘက်ပြုခြင်းမဟုတ်လျှင် ၎င်းအား နူးညံ့သိမ်မွေ့စွာဆက်ဆံပြီး မလိုအပ်သော ခက်ထန်မှုများ၊ ညှဉ်းပန်းနှိပ်စက်မှုများမပါဘဲ သူလိုအပ်သည်များကို သင်ကြားပေးရမည်။
• တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) သည် ကရုဏာရှိ‌တရားရှိသော သင်ကြားပေးတတ်သူ၊ နူးညံ့သိမ်မွေ့သော ပဲ့ပြင်ဆုံးမသူ၊ စိတ်ရှည်သည်းခံမှုရှိသော ပြုစုပျိုးထောင်ပေးသူတစ်ဦး ဖြစ်ခဲ့သည်။
• အလ္လာဟ်အရှင်မြတ်၏ အိမ်တော်များကို ဆွလာသ်ဝတ်ပြုခြင်း၊ ကျမ်းမြတ်ကုရ်အာန် ရွတ်ဖတ်ခြင်းနှင့် အလ္လာဟ်အရှင်မြတ်အား သတိရတသခြင်းတို့ဖြင့် စည်ကားသိုက်မြိုက်‌အောင်ပြုလုပ်ရန် တိုက်တွန်းနှိုး‌ဆော်ထားခြင်း။

1. ပင်မစာမျက်နှာ
2. ဖိကဟ်နှင့် ၎င်း၏စည်းမျဥ်းများ။
3. ခဝပ်ကိုးကွယ်မှုဆိုင်ရာ ဖိကဟ်။
4. ဆွလာသ်။
5. ဗလီဝတ်ကျောင်းတော်များ၏ အမိန့်ပညတ်ချက်များ။
6. ဟဒီးဆ်

• အကြင်သူသည် အလ္လာဟ်အရှင်မြတ်အတွက် ဗလီတစ်လုံးဆောက်လုပ်ခဲ့လျှင် အလ္လာဟ်အရှင်မြတ်က ၎င်းအတွက် ဂျန္နသ်သုခဘုံ၌ ထိုကဲ့သို့(အဆောင်တစ်ဆောင်)ဆောက်လုပ်ပေးတော်မူမည်။...
• တမန်တော်မြတ် (ဆွလ္လလ္လာဟုအလိုင်းဟိဝစလ္လမ်) မိန့်ကြားတော်မူသည်မှာ- လူတို့သည် ဗလီများ(ဆောက်လုပ်ခြင်း)နှင့်ပတ်သက်၍ အချင်းချင်းတစ်ဦးနှင့်တစ်ဦး အပြိုင်အ ဆိုင် ဂုဏ်ယူဝင့်ကြွားမှုမပြုသမျှ ကာလပတ်လုံး ကိယာမသ် ဆိုက်ရောက်လာမည်မဟုတ်ပေ။...
• အလ္လာဟ်အရှင်မြတ်ထံ အနှစ်သက်ဆုံးနေရာမှာ ဗလီများဖြစ်၍ အလ္လာဟ်အရှင်မြတ်ထံ အမုန်းဆုံးနေရာမှာ ဈေးများဖြစ်သည်။...
• “ခုနစ်ဦးသောသူတို့အား အရှင်မြတ်၏ အရိပ်ကလွဲလို့ အခြားအရိပ်မရှိသောနေ့တွင် အလ္လာဟ်အရှင်မြတ်သည် မိမိ၏အရိပ်တော်အောက်၌ ခိုလှုံခွင့်ပေးတော်မူမည်...