တမန်တော်မြတ်(ဆွလ္လလ္လာဟုအလိုင်းဟိဝစလ္လမ်) သည် ကိယာမသ်နေ့နှင့် ဒွန်ယာလောကကုန်ဆုံးချိန် နီးကပ်လာသည့် လက္ခဏာများအနက်တစ်ခုမှာ- လူတို့သည် ၎င်းတို့၏ ဗလီများကို အလှဆင်ခြင်း (သို့မဟုတ်) အလ္လာဟ်အရှင်မြတ်ကိုသာ သတိရတသ ရန်အတွက် တည်ဆောက်ထားသော ဗလီများအတွင်း လောကီကိစ္စရပ်များဖြင့် အချင်းချင်းဝင့်ကြွားဂုဏ်ယူကြမည်ဟု မိန့်ကြားတော်မူခဲ့သည်။

• ဗလီများနှင့်ပတ်သက်၍ ဂုဏ်ယူဝင့်ကြွားခြင်းအား တားမြစ်ထားပြီး၊ ယင်းသည် လက်မခံထိုက်သော လုပ်ရပ်ဖြစ်သည်။ အကြောင်းမှာ ယင်းလုပ်ရပ်သည် အလ္လာဟ်အရှင်မြတ်အတွက် (ရည်စူး၍ ) လုပ်ခြင်းမဟုတ်သောကြောင့်ဖြစ်သည်။
• အရောင်စုံဆေးများ၊ အလှဆင်ရေးခြယ်မှုများနှင့် စာသားများဖြင့် ဗလီများကို အလွန်အကျွံ အလှဆင်ခြင်းမှ တားမြစ်ထားသည်။ အဘယ်ကြောင့်ဆိုသော် ထိုသို့ပြုလုပ်ခြင်းသည် ဝတ်ပြုသူများအား ၎င်းတို့ကိုကြည့်ရှုရာမှ အာရုံထွေပြားစေသောကြောင့်ဖြစ်သည်။
• အိမာမ်စင်န်ဒီက ဤဟဒီးစ်တော်သည် လက်ရှိဖြစ်ပျက်နေသည့် အခြေအနေက ၎င်း၏မှန်ကန်မှုကို သက်သေထူလျက်ရှိသည်။ ထို့ကြောင့် ဤဟဒီးစ်သည် တမန်တော်မြတ် (ဆွလ္လလ္လာဟုအလိုင်းဟိဝစလ္လမ်) ၏ ကြီးကျယ်ထင်ရှားသော မုအ်ဂျိဇဟ်များအနက် တစ်ခုဖြစ်သည် ဟု မိန့်ဆိုခဲ့သည်။

1. ပင်မစာမျက်နှာ
2. ဖိကဟ်နှင့် ၎င်း၏စည်းမျဥ်းများ။
3. ခဝပ်ကိုးကွယ်မှုဆိုင်ရာ ဖိကဟ်။
4. ဆွလာသ်။
5. ဗလီဝတ်ကျောင်းတော်များ၏ အမိန့်ပညတ်ချက်များ။
6. ဟဒီးဆ်

• အကြင်သူသည် အလ္လာဟ်အရှင်မြတ်အတွက် ဗလီတစ်လုံးဆောက်လုပ်ခဲ့လျှင် အလ္လာဟ်အရှင်မြတ်က ၎င်းအတွက် ဂျန္နသ်သုခဘုံ၌ ထိုကဲ့သို့(အဆောင်တစ်ဆောင်)ဆောက်လုပ်ပေးတော်မူမည်။...
• အကြင်သူတို့သည် ၎င်းတို့ထဲမှ သူတော်စင် ကျေးကျွန်တစ်ဦး သို့မဟုတ် သူတော်ကောင်းတစ်ဦး ကွယ်လွန်ခဲ့လျှင် ထိုသူ၏ ကဗရ်သင်္ချိုင်းပေါ်တွင် ဘုရားကျောင်းဆောက်လုပ်ခဲ့ကြပြီး...
• ငါကိုယ်တော်၏ ဤဗလီဝတ်ကျောင်းတော်၌ ဆွလာသ်တစ်ကြိမ်ဆောက်တည်ခြင်းသည်(မက္ကဟ်)မြို့တော်ရှိ မတ်စ်ဂျိဒ်ဟရာမ်ဝတ်ကျောင်းတော်မှအပ အခြားဗလီဝတ် ကျောင်းတော်များ၌ ဆွလာသ်အကြိမ်ပေါင်းတစ်ထောင်ဆောက်တည်ခြင်းထက် သာပိုမွန်မြတ်သည်။...
• ဤဗလီဝတ်‌ကျောင်းတော်များသည် ဤကဲ့သို့ ကျင်ငယ်စွန့်ရန် သို့မဟုတ် ညစ်ညမ်းမှုများ မပြုလုပ်သင့်သော နေရာများဖြစ်သည်။ စင်စစ် ဗလီဝတ်‌ကျောင်းတော်များသည် အလ္လာဟ်အရှင်မြတ်အား သတိရတသခြင်း၊ ဆွလာသ်ဝတ်ပြုခြင်းနှင့် ကုရ်အာန်ကျမ်းတော်မြတ် ဖတ်ရွတ်ခြင်းတို့အတွ...