Nagpapabatid ang Propeta (basbasan siya ni Allāh at pangalagaan) na kabilang sa mga palatandaan ng pagkalapit ng Araw ng Pagbangon at pagwawakas ng Mundo ay ang pagpapayabangan ng mga tao sa pagpapalamuti ng mga masjid nila o ang pagpapayabangan nila sa kamunduhan nila sa loob ng mga masjid, na hindi naman ipinatayo kundi para sa pag-alaala kay Allāh.

• Ang pagbabawal sa pagpapahambugan sa mga masjid at na ito ay hindi tinatanggap dahil ito ay hindi ginawa para kay Allāh.
• Ang pagsaway laban sa pagpapalamuti sa mga masjid sa pamamagitan ng mga kulay, mga pangkulay, mga ukit, at mga nakasulat dahil sa dulot ng mga ito na pag-abala sa mga nagdarasal sa sandali ng pagtingin sa mga ito.
• Nagsabi si As-Sindīy: Ang ḥadīth na ito ay kabilang sa sumasaksi sa katapatan niya ang kairalan sapagkat ito ay kabilang sa kabuuan ng mga maningning na himala sa kanya (basbasan siya ni Allāh at pangalagaan).