پێغەمبەر -صلى الله عليه وسلم- نەهی کرد لە لێدانی خێزانەکان، عومەر -ڕەزای خوای لێبێت- هات بۆ لای، ووتی: ئەی پێغەمبەری خودا ئافرەتان سەرکێشی دەکەن وگوێڕایەڵ نین بۆ مێردەکانیان وڕەوشتیان خراپ بووە. ئەویش ڕوخسەتی دا بە لێدانیان لێدانێک ئازاردەر نەبێت ئەگەر هۆکارێک هەبێت بۆی وەکو جێبەجێ نەکردنی مافی مێرد و سەرپێچیکردنی وجگە لەمانە. دواتر زۆرێک لە ئافرەتان هاتن بۆ لای خێزانەکانی پێغەمبەری خودا -صلى اللە علیە وسلم- سکاڵایان دەكرد سەبارەت بە مێردەکانیان بەوەی زۆر بە سەختی لێیان دەدەن، وئەم ڕوخسەتە بە خراپی بەکاردەهێنن، بۆیە پێغەمبەر -صلى اللە علیە وسلم- فەرمووی: ئەو پیاوانەی لە خێزانەکانیان دەدەن بە لێدانی سەخت؛ ئەوانە لە باشترینەکانی ئێوە نین.

• ڕوونكردنەوەی فەزڵی مامەڵە كردن لەگەڵ ئافرەتان بە جوانی، وئارامگرتن لەسەریان، وچاوپۆشی كردن لە هەندێك قسە وهەڵسوكەوتیان چاكترە لە لێدانیان.
• خوای گەورە -عز وجل- لێدانی كردووە بە كۆتا قۆناغ بۆ چارەسەر كردنی سەرپێچیان، هەروەكو دەفەرموێت: (‌وَاللَّاتِي ‌تَخَافُونَ ‌نُشُوزَهُنَّ ‌فَعِظُوهُنَّ ‌وَاهْجُرُوهُنَّ ‌فِي ‌الْمَضَاجِعِ ‌وَاضْرِبُوهُنَّ فَإِنْ أَطَعْنَكُمْ فَلَا تَبْغُوا عَلَيْهِنَّ سَبِيلًا إِنَّ اللَّهَ كَانَ عَلِيًّا كَبِيرًا) [النساء: 34] واتە: (‌وە ئەو ئافرەتانەیش کە ئێوە دەترسن سەرپێچیتان بکەن ئەوە ئامۆژگاریان بکەن و جێگەیان لێ جیابکەنەوە (و لەگەڵیان مەخەون) وە لێیان بدەن بە (سوکی بەشێوەیەک کە لەشی عەیبدار نەکات) جا ئەگەر گوێرایەڵیان کردن ئەوە ئیتر ھیچ رێگەیەک لە دژیان مەگرنە بەر بەڕاستی خوا ھەمیشە بەرز وبڵند و گەورەیە)، ئەم سێ قۆناغەی باسكراوە بە ڕیزبەندیە نەوەك هەرسێكیان پێكەوە بەكاربهێنێت، سەرەتا ئامۆژگاری دەكات وبە بیری دەهێنێتەوە؛ ئەگەر سوودی هەبوو الحمد لله، ئەگەر سوودی نەبوو ئەوا جێگای لێ جیا دەكاتەوە، ئەگەر ئەمیش سوودی نەبوو ئەوا لێی دەدات بە لێدانێك بۆ تەمبێ كردن بێت نەك بۆ تۆڵەسەندنەوە.
• پیاو بەخێوکار وشوانە لە ماڵەکەیدا، بۆیە واجبە پەروەردە وتەمبێیان بکات بە دانایی وئامۆژگاری جوان.
• ڕێگەپێدراوە زانا پێداچوونەوە وهەڵسەنگاندن بۆ فەتواکانى بکات؛ بۆئەوەى سەرەنجام وکاریگەری وئاکامەکانى بزانێت.
• سکاڵا کردن بۆ لای پێشەوا وزانا؛ ڕێگەپێدراوە ئەگەر زیان تووشی سکاڵاکار هاتبوو.

1. سه‌ره‌كی
2. فەزڵەکان وئادابەکان
3. فەرموودە

1. سه‌ره‌كی
2. Jurisprudence and Juristic Principles
3. Family Jurisprudence
4. Marriage
5. مامەڵەکردن لە نێوان هاوسەرەکان
6. فەرموودە

• جوێن بە مردووەکان مەدەن، چونکە ئەوان گەیشتن بە ئەو کردەوانەی کە ئەنجامیاندا
• هەرکەسێک بەرگری لە کەسایەتی برا ئامادەنەبووەکەی بکات؛ ئەوا خوای گەورە دەموچاوی دەپارێزێت لە ئاگری دۆزەخ لە ڕۆژی قیامەتدا
• ئەگەر سێ کەس بوون؛ با دووانتان بە نهێنی قسە نەکەن دوور لە ئەوی تر، هەتاوەکو تێکەڵ بە خەڵکی زیاتر دەبن؛ چونکە ئەمە دەبێتە هۆی ئەوەى دڵتەنگ بێت...
• تیاچوون بۆ ئەو کەسەی کە درۆ دەکات بۆ ئەوەى خەڵکی پێی پێبکەنن، تیا بچێت، تیا بچێت