نبي ﷺ د ښځو له وهلو منع وکړه، نو امیرالمؤمنین عمر بن الخطاب رضي الله عنه راغی او ویې ویل: ای د الله رسوله! ښځې پر خپلو مېړونو زړورې شوې دي او اخلاق یې خراب شوي دي. نو رسول الله ﷺ د لامل د شتون پر مهال د ښځو لږ وهلو ته اجازه ورکړه، د بېلګې په توګه که چېرته د مېړه د حق له ادا کولو څخه سر غړاوی وکړي، او یا دې ته ورته حالتونه. بیا ډېرې ښځې د نبي ﷺ د مېرمنو خواته راغلې او شکایت یې وکړ چې مېړونه یې سختې وهي او له دې اجازې ناوړه ګټه اخلي، نو رسول الله ﷺ وفرمایل: هغه سړي چې خپلې ښځې سختې وهي، ستاسو له غوره خلکو څخه نه دي.

• د ښځو سره د ښه چلند د فضیلت بیان، او دا چې پر هغوی صبر کول او له تېروتنو یې تېرېدل یې تر وهلو څخه غوره دي.
• الله تعالی وهل د سرغړونې د درملنې لپاره وروستی پړاو ټاکلی، او فرمایلي یې دي: (‌وَاللَّاتِي ‌تَخَافُونَ ‌نُشُوزَهُنَّ ‌فَعِظُوهُنَّ ‌وَاهْجُرُوهُنَّ ‌فِي ‌الْمَضَاجِعِ ‌وَاضْرِبُوهُنَّ فَإِنْ أَطَعْنَكُمْ فَلَا تَبْغُوا عَلَيْهِنَّ سَبِيلًا إِنَّ اللَّهَ كَانَ عَلِيًّا كَبِيرًا) [النساء: 34]، (او تاسي چې دکومو ښځو له سرغړونې څخه اندېښمن یاست، هغوی لومړی پوه کړئ بیا دخوب ځایونه ورڅخه جلا کړئ او بیا یې ووهئ نو که هغوی ستاسي فرمان برداري شي نو هغو ته دلاس غځونې لپاره بې ځایه پلمې مه جوړوئ باور ولرئ چې له پاسه الله شته چې لوړ او لوی دی). دا درې مرحلې د ترتیب لپاره دي، نه دا چې ټولې یوځای وکارول شي؛ لومړی نصیحت، که ګټه یې وکړه ښه ده، که نه بیا خوب ځای جلا کول، او که بیا یې هم ګټه ونه کړه، نو سپک تأدیبي وهل، نه د غچ اخیستلو لپاره.
• سړی په خپل کور کې سرپرست دی، نو باید خپله کورنۍ د حکمت او ښه نصیحت سره وروزي او سمبال یې کړي.
• عالم ته د هغه د فتوا په اړه مراجعه کول جائز دي، تر څو یې پایلې او عواقب معلوم شي.
• که چېرته هغه څوک زیانمن شي چې شکایت پرې شوی، نو امیر او یا عالم ته یې په اړه شکایت کول جائز دي.

1. کور‌پاڼه
2. فضایل او آداب
3. حدیث

1. کور‌پاڼه
2. فقه او اصول یې
3. د کورنۍ فقه
4. نکاح
5. د ښځې او خاوند تر منځ ژوند
6. حدیث

• په کرونده مه بوختېږئ، که نه نو له دنیا سره به مو مینه زیاته شي
• مسلمان ته کنځل کول فسق دی، او له هغه سره جنګ کول کفر دی
• مړو ته ښکنځل مه کوئ، ځکه چې هغوی هغه څه ته ورغلي دي چې مخکې یې له ځان څخه لیږلي دي
• يو سړي له رسول الله صلی الله عليه وسلم څخه وپوښتل: په اسلام کې کوم خوی ډېر غوره دی؟ هغه وفرمايل: «دا چې چاته خوراک ورکړې او په اشنا او نا اشنا سلام واچوې...