Annabi yo jam e kisal ngon e makko habrii wonde ko ñaagunde woni dewal Alla, waɗɗii ko wonde laaɓinde golle ngam Alla, foti ko mas'la wollo ɗaɓɓude, nde o ñaagato Alla ko nafata ɗum, e duñde ko lorata mbo aduna e laakara, wollo ko ñaagunde dewal, ɗuum woni kala ko Alla yiɗi O wela e konngi e golle ɓannguɗe e cuuɗiiɗe, dewe ɓerɗe wollo ɓanndu wollo jawdi. Annabi yo jam e kisal ngon e makko okkiri daliil ɗuum o maaki: Daalol Alla: ( noddee kam mi nootoo mon pellet ɓeen mawnakiniiɓe rewde Mi maɓe naat jahannama hoɓe koyi).

• Ñaagaade woni iwdi dewal Alla dagaaki firlitde ngal mbo wonah Alla.
• Ñaagaade ina soomi dewal Alla tigi e jaɓde yondinaade Alla e kattane Makko e hatajinde jiyaaɓe makko.
• Fodoore sattunde ko njoɓdi mawnikinaare rewde Alla e accude ñaagaade Mbo, ɓeen mawnakintooɓe ñaagaade Alla maɓe naat jahannama hoɓe ngoni hoyɓe.