Nelaaɗo ina yamira leñol makko woɗɗitaade boneeji e goopi jeeɗiɗi kalkooji, nde O naaɓna hol ko woni ɗiin? O ɓanngani ɗi wonde ko kanji ngoni: Gadana o woni: Waɗdude Alla e goɗɗo, ɗuum woni waɗande mbo jeradiiɗo e goreejo e kala mbaadi nondi waawi waade fof, e tottirde dewal faade e goɗɗo mbo wonah Alla, O fuɗɗori sirku sabu ko o ɓuri bakkatuuji ɗi fof mawnude. Ɗimmel ngel woni: Mbilewu(korte)- ɗuum woni hono piɓle e moccugol e leɗɗe e cuurayuuji- battinooji e ɓanndu bilaaɗo ka bargol wollo ñaw, wollo seerndude resandirɓe, ɗum ko golle seytaane, ko ɓuri heewde e ɗum yottortee ko sirku e ɓallaraade pittaali bonɗi huunde nde njiɗɗaa, Tataɓel ngel woni: Warde fittaandu ndu Alla haɗi wareede ndu, tawde tan ndu wardaako ko sariya dakni Ñaawoowo siina ɗum e baraaɗo he Nayaɓel ngel woni: Huutorde riba ka ñaamgol wollo ko wonah ɗuum e mbaadiiji naftaraade, Joyaɓel ngel woni: Ñaamde jawdi suko mbo baaba mum maayi tawa o siwah hellifeede. Geegaɓel ngel woni: Dokde wolde hakkunde juulɓe e heeferɓe. Jeeɗiɓel ngel woni: Tuumde rimɓe nefɓe jina, ko hono noon kadi tuumde worɓe.

• Bakkatuuji (jonobaji )mawɗi ɗi kaaɗaani e jeeɗiɗi, kono ɗi jeeɗiɗi keertina ko ngam mawnude ɗi e bonde ɗi.
• Dagaade warde fitaandu tawde fawaa ko e goongo hono joɓtagol e murtude e jina caggal saŋaade, ko ñaawoowo sariyanke siinata ngoon warngo.