Nelaaɗo habrii wonde jamaanu ɓadiima, mbo yogo e yimɓe jooɗoto, gooto e maɓɓe ina ɓaari e leeso makko, hadiis Nelaaɗo yo jam e kisal won e makko yottoo mbo, o wi'a: ñaawata hakkunde men e geɗe ko Quraana tedduɗo o oon yonii en, kala ko tawɗen e mammbo ko dagi ngolliren ɗum, kala ko tawɗen e mammbo ko harmi ngoɗɗitaɗen ɗum. Refti Nelaaɗo holliri (wangini)wonde kala huunde harmunde wollo nde o haɗi e sunno makko, ɗuum ñaawoore mum ko ko harmi e deftere Alla he, sabu ko kaŋko woni jottinanoowo Joom makko.

• Teddinde sunno hono Quraana teddinirte nih e hono noon kadi ñaawooje mammbo nanngirte.
• Ɗoftaade Nelaaɗo ko ɗoftaade Alla ko noon ne kadi woopde Nelaaɗo ko woopde Alla Toowɗo O.
• Tabitde wonde sunno ko daliil e ruttude kala duttoowo sunnaaji wollo o yeddaɗi.
• Kala ɗuurniiɗo (totitanido)sunno o noddati raɓɓa- ɗinaade e Quraana, oon kanji ɗiɗi fof o ɗuurni, ko o penoowo ko o noddittoo ko rewde e Quraana.
• Ina jeyaa e dallillaaji annabaagal Nelaaɗo yo jam e kisal won e makko habrude mbo huunde aroore nde waɗira hono no o haalirno nih.