Расулуллоҳ соллаллоҳу алайҳи ва саллам ушбу ҳадиси шарифда бир кеча-кундузда ўқиладиган беш маҳал фарз намозлар, ҳар ҳафтада ўқиладиган жума намози ва ҳар йил тутиладиган Рамазон рўзаси, ўз ораларидаги кичик гуноҳларга - катта гуноҳлардан четланиш шарти билан - каффорат бўлишини хабар бермоқдалар. Зино ва ароқ ичиш каби катта гуноҳларга келсак, тавба қилмагунича кечирилмайди.

• Гуноҳларнинг каттаси ва кичиги бўлиши.
• Кичик гуноҳлар кечирилиши учун катта гуноҳлардан четланиш шартлиги.
• Кабоир (катта гуноҳлар) — дунёда унга бирор ҳад жазоси белгиланган ёки охиратда азоб ёки ғазабга учраши, уни қилувчи таҳдид этилгани ёки унга лаънат айтилгани ҳақида ваъид келган гуноҳлардир. Масалан, зино қилиш ва ароқ ичиш.