Annabi ina habra wonde juulɗeele joy parlaaɗe ɗe e nder ñalawma e jemma, e juulde juma kala yontere, e hoorde lewru koorko ndu kala hitaande, ko ka momtata ko woni ko e hakkunde majji e bakkatuuji tokoosi dow sarɗi si joom mum woɗɗatiima bakkatuuji njani ɗi. Tawi ko bakkatuuji mawɗi ɗi hono jina e yarde sanngara ɗi njaafetaake si wonah jom majji tuub.

• Bakkatuuji waɗi ko mawɗi e tokoosi.
• Momtaneede tokoosi ɗi fawii ko e reentaade mawɗi ɗi.
• Mawɗi ɗi woni ɗi Haddu njoli e aduno, wollo fodoore bonnde-kammbeede- ka laakara; lepte wollo tikkere, wollo ɗum waɗi kulɓingol, wollo kuɗdi wonande baɗɗaɗa ɗum, hono jina wollo yarde sanngara.