Si Abū Qatādah Al-Anṣārīy (malugod si Allāh sa kanya) ay naghahanap ng isang nagkakautang sa kanya na nagkukubli sa kanya saka natagpuan niya ito. Kaya naman nagsabi ang nagkautang: "Tunay na ako ay nagigipit. Wala akong salapi para ipambayad ko sa utang sa iyo." Kaya nagpasumpa rito si Abū Qatādah (malugod si Allāh sa kanya) kay Allāh na wala itong yamang taglay nito. Kaya sumumpa naman ito kay Allāh na ito ay tapat sa sinasabi nito. Kaya nagsabi si Abū Qatādah (malugod si Allāh sa kanya) na tunay na siya ay nakarinig sa Propeta (basbasan siya ni Allāh at pangalagaan) na nagsasabi: "Ang sinumang nagpagalak sa kanya at nagpatuwa sa kanya na magligtas sa kanya si Allāh mula sa mga pighati ng Araw ng Pagbangon, mga kasawiangpalad dito, at mga hilakbot dito, pumawi siya [ng pighati] sa isang nagigipit sa pamamagitan ng pagpapatagal at pagpapaliban ng pagsingil sa utang o magpatawad siya ng isang bahagi ng utang o kabuuan nito."}

• Ang pagsasakaibig-ibig ng pagpapalugit sa nagigipit hanggang sa kaluwagan o ang pag-aalis ng utang sa kanya sa kabuuan nito o bahagi nito.
• Ang sinumang pumawi buhat sa isang mananampalataya ng mga pighati sa Mundo, magpapawi si Allāh sa kanya ng mga pighati sa Araw ng Pagbangon. Ang ganti ay kabilang sa uri ng gawain.
• Ang panuntunan ay na ang mga gawaing tungkulin ay higit na mainam kaysa sa mga gawaing kusang-loob subalit sa ilan sa mga pagkakataon, ang gawaing kusang-loob ay higit na mainam kaysa sa gawaing tungkulin. Ang pagpapatawad ng utang sa nagigipit ay gawaing kusang-loob. Ang pagtitiis sa kanya, ang paghihintay, at ang hindi muna pagsingil ay gawaing tungkulin. Ang gawaing kusang-loob ay higit na mainam kaysa sa gawaing tungkulin dito.
• Ang ḥadīth ay hinggil sa karapatan ng sinumang naging nagigipit kaya naman ito ay mapagpapaumanhinan. Hinggil naman sa nag-aantala na may pera naman, nasaad nga buhat sa Propeta (basbasan siya ni Allāh at pangalagaan) na siya ay nagsabi: "Ang pag-aantala ng mayaman ay kawalang-katarungan."

1. Ang Pangunahin
2. Ang Fiqh at ang mga Batayan Nito
3. Ang Fiqh ng mga Pakikitungo
4. Ang Pautang
5. Ang ḥadīth

• Ibigay ninyo ito sa kanya, sapagkat ang pinakamainam sa inyo,yaong pinakamabuti sa inyo magbayad
• May tutuusing isang lalaking kabilang noon sa nauna sa inyo ngunit walang natagpuan sa kanya na kabutihan na anuman malibang siya noon ay nakikihalubilo sa mga tao at siya noon ay nagpapaluwag. Nag-uutos siya noon sa mga utusan niya na magp...