I Dërguari i Allahut ﷺ na ka sqaruar se kur na ndalon nga diçka, është detyrë për ne ta shmangim atë pa përjashtim, sikundër që, kur na urdhëron për diçka, duhet ta bëjmë atë sipas mundësisë. Pastaj na paralajmëroi që të mos bëhemi si disa nga popujt e mëparshëm, të cilët i shtronin shumë pyetje të dërguarve të tyre, duke i kundërshtuar ata; kështu Allahu i ndëshkoi me lloje të ndryshme shkatërrimi dhe dëmtimi. Prandaj, nuk duhet të jemi si ata, e të shkatërrohemi ashtu siç ata u shkatërruan.

• Hadithi shërben si një rregull për të përkufizuar obligimin në përmbushjen e urdhrave dhe qëndrimin larg ndalesave.
• Sa i takon ndalesave, nuk lejohet të veprohet asgjë prej tyre, ndërsa sa i takon urdhëresave, ato janë specifikuar me mundësinë për t'i kryer. Sepse largimi e braktisja e ndalesave është brenda mundësisë njerëzore, ndërsa veprimi i urdhëresave ka nevojë për fuqi e aftësi për ta kryer.
• Ndalimi i pyetjeve të shumta. Dijetarët i kanë ndarë pyetjet në dy pjesë: 1. Pyetje që bëhen me qëllim për të mësuar çështjet e nevojshme të fesë; këto pyetje jemi urdhëruar t'i bëjmë, të kësaj natyre qenë pyetjet që sahabët i bënin Pejgamberit (paqja qoftë mbi të). 2. Pyetje që bëhen në formën e kokëfortësisë dhe ekzagjerimit; kjo kategori e pyetjeve është e ndaluar.
• Ky umet është paralajmëruar që të mos e kundërshtojë Profetin ﷺ, siç ndodhi në popujt e kaluar.
• Gjërat e ndaluara përfshijnë sasitë e vogla dhe sasitë e mëdha njëkohësisht, ngase braktisja e një ndalese nuk mund të realizohet vetëm se kur braktiset në sasi të vogla dhe në sasi të mëdha. Për shembull, Allahu na e ka ndaluar kamatën dhe kjo ndalesë përfshinë edhe sasitë e vogla të kamatës edhe sasitë e mëdha.
• Lënia e shkaqeve apo mjeteve që çojnë tek gjërat e ndaluara, sepse kjo bën pjesë në kuptimin e shmangies.
• Njeriu, nëse e dëgjon urdhrin e të Dërguarit ﷺ, nuk duhet të thotë: "A është i detyrueshëm apo i rekomandueshëm?", -bazuar në fjalën e tij-: "...bëjeni aq sa keni mundësi."
• Pyetjet e shumta janë shkak për shkatërrim, sidomos në çështjet ku nuk mund të arrijë dijenia jonë, si p.sh. çështjet e fshehta dhe forma e ngjarjeve të Ditës së Kiametit. Mos e tepro me pyetje rreth tyre, ndryshe do të shkatërrohesh dhe do të bëhesh pjesë e ekzagjeruesve dhe ekstremistëve.

1. Ballina
2. Akideja
3. Besimi në të dërguarit
4. Pejgamberët dhe të dërguarit e mëparshëm
5. Hadithi

• “Mos më pyesni për gjëra që ende nuk jua kam thënë. Ata që ishin para jush janë shkatërruar për shkak të pyetjeve (të panevojshme) dhe kundërshtimit të pejgamberëve të tyre
• “Betohem në Atë, në Dorën e të Cilit është shpirti im, se është afruar koha kur Isai, i biri Merjemes, do të zbresë mes jush dhe do të gjykojë me drejtësi: do ta thyejë kryqin, do ta mbysë derrin dhe do ta shfuqizojë xhizjen. Pasuria do të ...
• “Dita e premte është dita më e mirë në të cilën ka lindur Dielli