Nabigu scw wuxuu cadeeyey in adoonku markuu ugu dhaw yahay Rabigi waa markuu sujuudsan yahay, taasina waa qofka tukanayaa wuxuu dhigayaa dhulka meesha ugu saraysa oo ugu sharaf badan jirkiisa isago Ilaahay casa wajala u khuduucaya, oo isu dulaynaya oo u tawaaducaya isagoo sujuudsan. Nabigu scw wuxuu amray in ducada la badiyo sujuudda dhexdeeda, waayo waxaa kulmaya in Ilaahay la isu duleeyo hadal ahaan iyo ficil ahaanba.

• Cibaadadu waxay u kordhisaa adoonka u dhawaanshaha Ilaahay, Isagaa nusqaan ka hufan oo sareeyee.
• Waxaa suno ah in sujuuda lagu badiyo ducada, waayo waxay ka mid tahay meelaha ducada lagu aqbalo.