رسول الله صلى الله عليه وسلم په سخاوتمندۍ کې په انسانانو کې ستر انسان و، او د روژې په مياشت كې به یې سخا لا پسې زیاتېده، نو چاته به چې څومره ورکړه لازمه وه، همغومره سخا به یې ورسره کوله، د هغه د زیاتې سخاوتمندۍ لاملونه دوه څيزونه وو : لومړی: جبرائیل علیه السلام سره د هغه ملاقات. بله خبره: د قرآن کريم تکرار، چې هغه له یادو د قرآن کریم لوستل و. نو جبرائیل علیه السلام سره به یې ټول نازل شوی قرآن ګردان کاوه، او رسول الله صلی الله علیه وسلم ډېر سخي او د ډېرې ورکړې خاوند او ښګېڼه کوونکی و، او خلکو ته په خېر رسولو کې به لکه د هغه ښایسته باد په څېر تېز و چې الله تعالی یې د باران او رحمت لپاره رالیږي.

• د رسول الله صلى الله عليه وسلم د سخاوتمندۍ او پراخه عزت بیان او په ځانګړې توګه د رمضان مياشت کې، ځکه یقینا دا د طاعتونو او د ښېګڼو د موسمونو میاشت ده.
• په هر وخت کې سخاوتمندۍ ته هڅول، او د روژې په میاشت کې پکې زیاتوالی مطلوب دی.
• د روژې په مبارکه میاشت کې د ورکړې، خېراتونو، نېکیو او د قرآن کریم زیات تلاوت کول.
• د علم د ساتلو له اسبابو څخه یو دا دی چې له علماوو او شاګردانو سره تکرار شي.

1. کور‌پاڼه
2. فقه او اصول یې
3. د عبادتونو فقه
4. روژه
5. رمضان
6. حدیث

1. کور‌پاڼه
2. سیرت او تاریخ
3. نبوي سیرت
4. محمدي اخلاق
5. أخلاقي صفتونه
6. د رسول صلی الله عليه وسلم سخاوت
7. حدیث