رسول الله صلی الله علیه وسلم بیانوي چې الله تعالی ورته د لمانځه پر مهال امر کړی چې د بدن له غړو څخه دې په اوو غړو سره سجده وکړي چې هغه عبارت دي له: لومړی: تندی: چې هغه د پوزې او دواړو سترګو د پاسه د مخ پورته برخه ده. او رسول الله صلی الله علیه وسلم په خپل لاس سره خپل مخ ته اشاره وکړه، تر څو واضحه کړي چې تندی او پوزه دواړه له اوو غړو څخه یو غړی دی، او پر دې د ټینګار لپاره چې سجده کوونکی به پوزه پر ځمکه لګوي. دویم او دریم غړی: دواړه لاسونه. څلورم او پنځم: دواړه زنګنونه. شپږم او اووم: د دواړو قدمونو ګوتې. او مونږ ته یې امر کړی چې د سجدې پر مهال به وېښتان نه غوټه کوو او یا دا چې خپل کالي به یو د بل د پاسه نه راټولوو، بلکې پرېږدو به یې تر دې چې پر ځمکه ولګیږي، نو د غړو سره به یو ځای سجده وکړي.

• په لمانځه کې په اوو غړو سجده کول واجب دي.
• په لمانځه کې د جامو او وېښتانو راټولولو او راغونډولو کراهیت.
• پر لمونځ کوونکي واجب دي لدې ډاډ حاصل کړي چې په سجده کې یې اووه واړه غړي په ځمکه لګولي، او همداسې پاتې شي تر دې چې (په سجده کې) مشروع ذکر پر ځای کړي.
• د وېښتانو غوټه کول یوازې د سړيو پورې خاص دي؛ ځکه چې ښځې ته په لمانځه کې په ځان پټولو امر شوی دی.

1. کور‌پاڼه
2. فقه او اصول یې
3. د عبادتونو فقه
4. لمونځ
5. د لمانځه طریقه
6. حدیث

• رسول الله صلی الله علیه وسلم به د دوو سجدو تر مینځه وییل. یعنې "اې الله، ما ته بخښنه وکړه، پر ما رحم وکړه، ما ته روغتیا راکړه، لارښوونه راته وکړه، او روزي راکړه...
• زما دې قسم په هغه ذات وي چې زما روح د هغه په لاس کې دی، زه په لمانځه کې په تاسو ټولو کې د رسول الله صلی الله علیه وسلم لمانځه ته زیات ورته والی لرم، او همدا یې تر هغه پورې د لمانځه طریقه وه تر څو چې له دنیا څخه لاړ...
• کله به چې رسول الله صلی الله علیه وسلم خپله ملا له رکوع څخه پورته کړه نو - دا دعا به یې وویله: «سَمِعَ اللهُ لِمَنْ حَمِدَهُ
• کله چې سجده کوې نو لاسونه دې کېږده او څنګلې دې پورته کړه