Nabiyyiin -Rabbiin rahamataa fi nageenya isaan irratti haa buusu- namoota qabeenya muslimootaa haqaan maletti akka fedhan godhan, karaan malee kan fudhatan dubbatan, kun qabeenya karaa eeyyamameen alatti walitti qabuu, isa hojjachuu fi iddoo sirrii hin taane keessatti isa baasuu keessatti murtoo wolii galaati, qabeenya yatiimotaa nyaachuun, qabeenya woqfii balleessuun, amaanaa waakkachuu fi haqaan maletti qabeenya walii galaa irraa fudhachuun sana keessa ni gala. Eegasii mindaan isaanii guyyaa qiyaamaatti ibidda akka ta'e Nabiyyiin -Rabbiin rahmataa fi nageenya isaan irratti haa buusu- himani.

• Qabeenyi harka namootaa jiru qabeenya Rabbiiti, karaa eeyyamame irratti akka baasanuu fi haqaan maletti akka fedhan godhuu irraa akka fagaatanuuf isa irratti bakka isaan buuse, kun bulchitootaa fi namoota biroo isaan malee jiru hunda ilaallata.
• Qabeenya ummataa kan wolii galaa keessatti shari'aan haalaan jabeessuu fi namni isa irraa waan tokko irratti itti gaafatamummaa fudhate guyyaa qiyaamaatti akkaataa itti isa wolitti qabee fi akkaataa itti isa baase irraa akka herregamu argisiisa.
• Akkasuma namni qabeenya isaasa haa ta'uu kan nama biraa akka shari'aan eeyyameen alatti itti fayyadamus sodaachisa kana keessa ni gala.