Расулуллоҳ соллаллоҳу алайҳи ва саллам бу ҳадиси шарифда мусулмонларнинг молларини ботил билан ишлатадиган, ҳақлари бўлмаган молдан оладиган инсонлар ҳақида хабар бермоқдалар. Юқорида зикр қилинган ҳукм ҳаром йўл орқали мол дунё тўплаш ва уни нотўғри йўлларга сарф қилишни ҳам ўз ичига олади. Етимларнинг молини ноҳақ йўл ила емоқ, вақф ва омонатга қўйилган нарсаларни инкор қилмоқ ҳамда уларни ноўғри йўл билан олмоқ ҳам шулар жумласидандир. Сўнгра Расулуллоҳ соллаллоҳу алайҳи ва саллам уларнинг Қиёматдаги жазоси дўзах эканини хабар бердилар.

• Инсонларнинг моллари Аллоҳнинг молидир. Аллоҳ баъзи инсонларни шариат кўрсатган йўлга ишлатишлари ва ботил йўлга сарфламасликлари учун уларни шу молга ўринбосар қилиб қўйди. Бу барча волийларни ёки бошқа шу каби мансаб эгаларини ўз ичига олади.
• Умумий молга шариат жуда қаттиқ эътибор берган. Ким шу молга бошчилик қилса, Қиёмат куни сарфлаган ва олиб қолган барча молларига ҳисоб-китоб қилинади.
• Бу таҳдид остига ўзи ёки бошқанинг молини шарият кўрсатмаган тарзда ишлатган барча инсон киради.