नबी (सल्लल्लाहु अलैहि वसल्लम) मस्जिदमा प्रवेश गर्दा यो (दुआ) पढ्नुहुन्थ्यो: (अऊजु बिल्लाहिल्-अजीम्) म अल्लाह र उहाँका गुणहरूद्वारा शरण चाहन्छु । (व बिवज्हिहिल्-करीम्) र उहाँको महिमामय (करीम)अनुहारको माध्यमबाट— उहाँ, जो परम दाता र सर्वश्रेष्ठ दानशील हुनुहुन्छ। (व सुल्तानिहि) अर्थात् उहाँको प्रभुत्व, महिमा र सृष्टिमध्ये जसमाथि चाहनुहुन्छ, उसमाथि स्वामित्व प्राप्त गर्ने उहाँको शक्ति र (अल-कदीम्) उहाँको अनादि र अनन्त प्रभुत्वको माध्यमले। (मिनश्-शैतानिर्रजीम्) अल्लाहको कृपाबाट बहिष्कृत र धुत्कारिएको शैतानबाट (बच्न) अल्लाहको शरण चाहन्छु। अर्थात्: हे अल्लाह! मलाई उसको ‘वसवसा’ (मनमा आउने कुविचार), पथभ्रष्ट पार्ने बहकाउ, उसका चालहरू , दुष्प्रभावहरू, पापलाई आकर्षक देखाउने भ्रम र मार्गभ्रष्ट पार्ने कार्यबाट रक्षा गर्नुहोस्। किनकि, ऊ नै पथभ्रष्टताको मूल कारण र अज्ञानता एवम् विचलनतर्फ धकेल्ने मुख्य प्रेरक हो।" अब्दुल्लाह बिन अम्रलाई सोधियो: "यति नै हो?" अर्थात् के अल्लाहका रसूल (सल्लल्लाहु अलैहि वसल्लम) ले यति मात्र भन्नु भएको थियो? उनले भने: हो, यति मात्र भन्नु भएको थियो । मस्जिदमा प्रवेश गर्ने क्रममा यदि कसैले यो दुआ पढ्दछ भने, शैतानले भन्दछ:"यस व्यक्तिले आजको दिन र रातभरका लागि मबाट आफूलाई सुरक्षित राखेको छ।"

• यसमा मस्जिद प्रवेश गर्दा पढिने यस ‘जिक्र’ (दुआ) को सद्गुण र उत्कृष्टता बारे वर्णन गरिएको छ। साथै, यसको पाठ गर्ने व्यक्ति दिनको बाँकी समयका लागि शैतानबाट सुरक्षित रहने कुरा उल्लेख गरिएको छ।
• यसमा शैतानदेखि सदा सतर्क रहन चेतावनी दिइएको छ, किनकि ऊ मुस्लिमलाई सत्य मार्गबाट विचलित गर्न र विभिन्न प्रलोभनहरूद्वारा भ्रमित पार्न निरन्तर ताकमा रहेको हुन्छ।
• मानिसको हृदयमा अल्लाहप्रतिको आस्था जति प्रगाढ हुन्छ, र उसले जति सचेतता र चिन्तनका साथ यो प्रार्थना (दुआ) पाठ गर्दछ, एवं यससम्बन्धी अल्लाहको वचनमा जति अटल विश्वास राख्दछ, ऊ शैतानका भ्रम र छलछामबाट त्यति नै सुरक्षित रहन्छ।

1. home
2. अकीदा
3. अल्लाहमाथि ईमान
4. ताैहीद अस्मा व सिफात
5. hadith

1. home
2. सद्गुण र आचरण
3. दुआ र जिक्र (स्तुति) को न्यायशास्त्र
4. मस्जिदमा प्रवेश गर्ने र बाहिर निस्कने दुआ
5. hadith

• अल्लाहले तिम्रो रूप र धनलाई हेर्नुहुन्न, तर तिम्रो हृदय र कर्महरूलाई हेर्नुहुन्छ ।
• अल्लाहले पृथ्वीलाई आफ्नो मुट्ठीमा समात्नु हुनेछ र आकाशहरूलाई आफ्नो दाहिने हातमा बेर्नु हुनेछ। त्यसपछि उहाँले भन्नुहुनेछ: "म अल-मलिक (सर्वोच्च राजा) हुँ, पृथ्वीका राजाहरू कहाँ छन् ?...
• अल्लाहले राम्रा र नराम्रा दुवै प्रकारका कार्यहरू निर्धारित गरी स्पष्ट पारिदिनुभएको छ
• हाम्रो प्रभु, पवित्र र महिमावान, हरेक रात जब रातको अन्तिम तिहाइ बाँकी हुन्छ, आकाशको सबैभन्दा तल्लो भागमा उत्रनु हुन्छ ,...