ဤဟဒီးဆ်တော်တွင်တမန်တော်မြတ် (ဆွ) က အချက်သုံးချက် ညွှန်ကြားထားတော်မူသည်- ပထမအချက်- အလ္လာဟ်အရှင်မြတ်အား ကြောက်ရွံ့ရိုသေခြင်း(သက္ကဝါ)ဖြစ်သည်။ သက္ကဝါဆိုသည်မှာ ဝါဂျိဗ်တာဝန်များကို ပြည့်စုံစွာဆောင်ရွက်ခြင်းနှင့် ဟရာမ်တားမြစ်ချက်များကို စွန့်လွှတ်ရှောင်ကြဉ်ခြင်းဖြင့် နေရာဒေသအသီးသီး၊ အချိန်အခါအမျိုးမျိုး၊ အခြေအနေအရပ်ရပ်တို့တွင် လျှို့ဝှက်ချိန် ထင်ရှားချိန်၊ ကိုယ်စိတ်နှစ်ဖျာကျန်းမာချမ်းသာချိန်၊ ဘေး ဒုက္ခရောက်ချိန်နှင့် အခြားအခြေအနေအားလုံးတွင် (အရှင်မြတ်အား ကြောက်ရွံ့ရမည်)။ ဒုတိယအချက်- အကယ်၍ မကောင်းမှုတစ်စုံတရာ ကျူးလွန်မိပါက ထိုမကောင်းမှုပြီးနောက် ကောင်းမှုတစ်ခုခု ပြုလုပ်ရမည်။ ဥပမာ - ဆွလာသ်ဝတ်ပြုခြင်း၊ စွဒကဟ်ပေးခြင်း၊ ကောင်းမှုပြုခြင်း၊ ဆွေမျိုးသားချင်းများနှင့် ကောင်းမွန်စွာဆက်ဆံခြင်းနှင့် သောင်ဗဟ်အမှားဝန်ခံခြင်း စသည်တို့ဖြစ်သည်။ ဤကောင်းမှုများသည် မကောင်းမှုများကို ပယ်ဖျက်နိုင်သည်။ တတိယအချက်- လူသားအားလုံးနှင့် ကောင်းမွန်သောကိုယ်ကျင့်တရားများဖြင့် ပြုမူဆက်ဆံကြရမည်။ ဥပမာ - ပြုံးရွှင်စွာတွေ့ဆုံခြင်း၊ နူးညံ့သိမ်မွေ့စွာ ပြောဆိုဆက်ဆံခြင်း၊ ကျေးဇူးပြုခြင်းနှင့် ဒုက္ခမပေးခြင်း စသည်တို့ဖြစ်သည်။

• အလ္လာဟ်အရှင်မြတ်သည် မိမိကျွန်များအပေါ် မိမိ၏ ကရုဏာတော်၊ လွှတ်ငြိမ်းချမ်းသာခွင့်ပေးခြင်းနှင့် ခွင့်လွှတ်ခြင်းတို့ဖြင့် ကျေးဇူးပြုတော်မူသည်။
• ဤဟဒီးဆ်တွင် ဝတ္တရားသုံးရပ်ကို ဖော်ပြထားသည် - အလ္လာဟ်အရှင်မြတ်နှင့်ပတ်သတ်၍ ထားရှိရမည့် ဝတ္တရားဖြစ်သည့် သက္ကဝါထားရှိခြင်း၊ မိမိကိုယ်တိုင်နှင့် ပတ်သတ်၍ ထားရှိရမည့် ဝတ္တရားဖြစ်သည့် မကောင်းမှုများပြုလုပ်ပြီးနောက် ကောင်းမှုများပြုလုပ်ခြင်းနှင့် လူသားတို့နှင့်ပတ်သတ်၍ ထားရှိရမည့် ဝတ္တရားဖြစ်သည့် ကောင်းမွန်သောကိုယ်ကျင့်တရားများဖြင့် ပြုမူဆက်ဆံခြင်းတို့ ဖြစ်သည်။
• မကောင်းမှုများပြုလုပ်မိပြီးနောက် ကောင်းမှုများပြုလုပ်ရန် တိုက်တွန်းထားသည်။ ကောင်းမွန်သောကိုယ်ကျင့်တရားသည် သက္ကဝါ၏ အချင်းလက္ခဏာများထဲ တစ်ခုဖြစ်သော်လည်း ၎င်း၏အရေးပါမှုကို ထင်ရှားစေရန်အတွက် သီးသန့်ညွှန်ကြားထားခြင်းဖြစ်သည်။

1. ပင်မစာမျက်နှာ
2. ထွတ်မြတ်မှုများနှင့် အာဒါဗ်စည်းကမ်းများ။
3. ကိုယ်ကျင့်တရားဆိုင်ရာ ဖိကဟ်။
4. ကောင်းမြတ်သည့် ကိုယ်ကျင့်တရား။
5. ဟဒီးဆ်

• မုအ်မင်န်သည် လူတို့အား အလွန်ပင်အပြစ်ရှာသူ၊ အလွန်ပင်ကျိန်ဆဲသူ၊ ညစ်ညမ်းသောစကား၊ အရှက်တရားကင်းမဲ့သည့် လုပ်ရပ်တို့ကို ကျူးလွန်သူ မဟုတ်ပေ။...
• အကြင်နာတရားရှိသူတို့အား “ရဟ်မာန်” မဟာကရုဏာတော်ရှင်က သနားကြင်နာတော်မူမည်ဖြစ်သည်။ အသင်တို့သည် မြေပထဝီပေါ်ရှိ သတ္တဝါအပေါင်းအား သနားကြင်နာကြလေကုန်၊ မိုးကောင်းကင်ပေါ်တွင်ရှိတော်မူသော အရှင်မြတ်က အသင်တို့အား သနားကြင်နာတော်မူပေမည်။...
• မိမိအတွက်နှစ်သက်သည့်အရာကို မိမိညီနောင်မွတ်စ်လင်မ်အတွက် မနှစ်သက်သမျှကာလပတ်လုံး အသင်တို့အနက်မည်သူတစ်ဦးတစ်ယောက်မျှ စစ်မှန်သည့် မုအ်မင်န်မဖြစ်နိုင်ပေ။...
• မည်သူမဆို ဒီသမီးမိန်းကလေးတွေ ကြောင့် စမ်းသပ်မှု ( ဘေးဒုက္ခ ) တစ်စုံတစ်ရာ ကြုံတွေ့ခဲ့လျှင် ၎င်းအဖို့ ထိုသမီးမိန်းကလေးများသည် ဂျဟန္နမ်ငရဲမီးမှ ( ကာကွယ်ပေးမည့် ) အကာအကွယ်ဖြစ်သွားပေလိမ့်မည်။...