Nag-uutos ang Propeta (basbasan siya ni Allāh at pangalagaan) ng tatlong bagay: Ang Una. Ang pangingilag magkasala kay Allāh. Iyon ay sa pamamagitan ng paggawa ng mga kinakailangan at pag-iwan ng mga ipinagbabawal sa bawat lugar, panahon, at kalagayan nang palihim at hayagan, sa kagalingan, pagsubok, at iba pa roon. Ang Ikalawa. Kapag nasadlak ka sa isang masagwang gawa, gumawa ka matapos nito ng isang magandang gawa gaya ng pagdarasal, kawanggawa, pagsasamabuting-loob, pakikipag-ugnayang pangkaanak, pagbabalik-loob, at iba pa roon sapagkat tunay na iyon ay papawi sa masagwang gawa. Ang Ikatlo. Makitungo ka sa mga tao nang may mga magandang kaasalan gaya ng pagngiti sa harap nila, kalumayan, kabanayaran, pagkakaloob ng nakabubuti, at pagpigil ng perhuwisyo.

• Ang kabutihang-loob ni Allāh (kamahal-mahalan Siya at kapita-pitagan) sa mga lingkod sa pagkaawa Niya, pagpapatawad Niya, at pagpapaumanhin Niya.
• Naglaman ang ḥadīth ng tatlong karapatan: ang karapatan ni Allāh sa pamamagitan ng pangingilag magkasala, ang karapatan ng sarili sa pamamagitan ng paggawa ng mga magandang gawa matapos ng mga masagwang gawa, at ang karapatan ng mga tao sa pakikitungo sa pamamagitan ng mga kaasalang maganda.
• Ang pagpapaibig sa paggawa ng mga magandang gawa matapos ng mga masagwang gawa. Ang kagandahan ng kaasalan ay kabilang sa mga kakanyahan ng pangingilag magkasala. Itinangi lamang ito sa pagbanggit dahil sa pangangailangan sa paglilinaw sa mga iyon.

1. Ang Pangunahin
2. Ang mga Kainaman at ang mga Kaasalan
3. Ang Fiqh ng Etika
4. Ang Etikang Kapuri-puri
5. Ang ḥadīth

• Naawa si Allāh sa isang lalaking mapagparaya kapag nagtinda, kapag bumili, at kapag naningil."}
• nagtatalaga lamang [ako] sa mga tao sa inilagay ni Allāh sa mga puso nila na kasapatan at kabutihan; kabilang sa kanila si `Amr bin Taghlib.
• Huwag kang magalit
• O `Ā’ishah, tunay na si Allāh ay Malumay na umiibig sa kalumayan at nagbibigay Siya dahil sa kalumayan ng hindi Niya ibinibigay dahil sa karahasan at ng hindi Niya ibinibigay dahil sa iba rito."}