ဖာသွိမဟ် ဗင်န်သိ အဗီဟုဗိုင်းရှ် (ရဿွိယလ္လာဟုအန်ဟာ)က တမန်တော်မြတ် (ဆွလ္လလ္လာဟုအလိုင်းဟိဝစလ္လမ်)အား လျှောက်ထားမေးမြန်းသည်မှာ ကျွန်မသည် သွေးဆင်းခြင်း ရပ်တန့်သွားသည်ဟူ၍ မရှိပါ။ ဓမ္မတာ သွေး ဆင်းသည့် ကာလမဟုတ်သော ရက်များတွင်လည်း အဆက်မပြတ်ဆင်းနေပါသည်။ ထို့ကြောင့် ၎င်း၏အမိန့်သည် ဓမ္မတာသွေးအမိန့်တွင် ပါဝင်ပါသလား။ ကျွန်မ ဆွလာသ်မဆောက်တည်ဘဲ နေရမည်လား။ ထိုအခါ တမန်တော်မြတ် (ဆွလ္လလ္လာဟုအလိုင်းဟိဝစလ္လမ်)က သူမအားမိန့်တော်မူသည်။ အမှန်ပင် ၎င်းသည် သားအိမ်အတွင်း သွေးကြောတစ်ခုမှထွက်လာသော ရောဂါသွေးဖြစ်ပြီး ဓမ္မတာရာသီသွေးမဟုတ်ပါ။ သို့ဖြစ်၍ သင်မ ရောဂါသွေး မဆင်းမီက မိမိအလေ့အထအတိုင်း လစဉ်ဓမ္မတာသွေးဆင်းသည့် အချိန်ကာလရောက်လာပါက ဆွလာသ်နှင့် ဆွိယာမ်ကို စွန့်လွှတ်ပါ။ ထို့ပြင် ဓမ္မတာသွေးဆင်းနေသည့် အမျိုးသမီးအတွက် တားမြစ်ထားသည့်ကိစ္စများကို ရှောင်ကြဥ်ပါ။ ထိုအချိန်ကာလ ကုန်ဆုံးသွားပါက သင်မသည် ဓမ္မတာသွေးမှ သန့်ပြန့်သွားပြီဖြစ်သည်။ သို့ဖြစ်၍ သွေးဆင်းသည့်နေရာအား ဆေးကြောသန့်စင်ပါ။ ထို့နောက် မသန့်ဖြစ်ခြင်း ပပျောက်သွားရန် ခန္ဓာကိုယ်တစ်ခုလုံးအား ရေလောင်းချိုးပါ။ ထို့နောက် ဆွလာသ်ဆောက်တည်ပါ။

• အမျိုးသမီးတစ်ဦးသည် သူမ၏ ဓမ္မတာရာသီသွေးဆင်းသည့်ကာလ ကုန်ဆုံးသွားပါက ရေချိုးရန်တာဝန်ရှိသည်။
• ရောဂါသွေးဆင်းသည့် အမျိုးသမီးသည် ဆွလာသ်ဆောက်တည်ရန် တာဝန်ရှိသည်။
• (ဟိုက်ဿ်ွ) ဓမ္မတာသွေးဆိုသည်မှာ- သိထားပြီးဖြစ်သောရက်အချို့တွင် အရွယ်ရောက်ပြီးသူအမျိုးသမီး၏ အင်္ဂါမှတစ်ဆင့် သားအိမ်မှ ထွက်လာသော သဘာဝသွေးဖြစ်သည်။
• (အိစ်သိဟာဿွဟ်) ရောဂါသွေးဆိုသည်မှာ - သားအိမ်အတွင်းမှ မဟုတ်ဘဲ သားအိမ်အောက်ပိုင်း တစ်နေရာမှ အချိန်သတ်မှတ်ချက်မရှိဘဲ သွေးဆင်းလာခြင်းဖြစ်သည်။
• ဓမ္မတာရာသီသွေးနှင့် အိစ်သိဟာဿွဟ်သွေးကြား ခြားနားချက်မှာ ရာသီသွေးသည် အနက်ရောင်ရှိပြီး ပျစ်ခဲကာ အနံ့အသက်ဆိုးသည်။ အိစ်သိဟာဿွဟ်သွေးသည် အနီရောင်ရှိကာ ကျဲပြီး အနံ့အသက်မရှိပါ။