ဆွဟာဗီအမျိုးသမီးသာဝကတစ်ဦးဖြစ်သော အွမ္မုအသွိယဟ် (ရဿွိယလ္လာဟုအန်ဟာ)က ပြောပြသည်မှာ နဗီတမန်တော်မြတ် (ဆွလ္လလ္လာဟုအလိုင်းဟိဝစလ္လမ်) ၏ ခေတ်က အမျိုးသမီးများသည် သွေးဆင်းခြင်းမှ သန့်စင်ပြီးနောက် မိန်းမကိုယ်မှ ထွက်သော အညိုရောင် သို့မဟုတ် အဝါရောင် အရည်များကို ဓမ္မတာသွေးဆင်းခြင်းအဖြစ် မှတ်ယူခြင်း မရှိခဲ့ပါ။ ထို့ကြောင့် ထိုအရည်များဆင်းခြင်းကြောင့် ဆွလာသ်ဝတ်ပြုခြင်း သို့မဟုတ် ရိုဇာထားခြင်းကို မရပ်ဆိုင်းခဲ့ကြပေ။

• ဓမ္မတာသွေးဆင်းခြင်းမှ သန့်စင်ပြီးနောက် မိန်းမကိုယ်မှ ထွက်သော အရည်တွင် အညိုရောင် သို့မဟုတ် အဝါရောင် ပါဝင်နေလျင်လည်း ယင်းအရည်ကို ဓမ္မတာသွေးဆင်းခြင်းအဖြစ် မမှတ်ယူပေ။
• ဓမ္မတာသွေးဆင်းသည့်ကာလအတွင်းဖြစ်စေ လစဉ်ပုံမှန်သွေးဆင်းသည့်ကာလအတွင်းဖြစ်‌စေ ထွက်သော အညိုရောင် သို့မဟုတ် အဝါရောင် အရည်များကို ဓမ္မတာသွေးဆင်းခြင်းအဖြစ် မှတ်ယူသည်၊ အဘယ့်ကြောင့်ဆိုသော် လစဉ်ပုံမှန်သွေးဆင်းသည့်ကာလအတွင်း ရောနှောနေသော အရည်တစ်မျိုးဖြစ်သောကြောင့် ဖြစ်သည်။
• အမျိုးသမီးတစ်ဦးသည် ဓမ္မတာသွေးဆင်းခြင်းမှ သန့်စင်ပြီးနောက် ထွက်သော အညိုရောင် သို့မဟုတ် အဝါရောင် အရည်များကြောင့် ဆွလာသ်ဝတ်ပြုခြင်း သို့မဟုတ် ရိုဇာထားခြင်းကို မရပ်ဆိုင်းသင့်ပါ၊ ထိုအစား ဝူဿွူပြုလုပ်ပြီး ဆွလာသ်ဝတ်ပြုသင့်သည်။