တမန်တော်မြတ် (ဆွလ္လလ္လာဟုအလိုင်းဟိဝစလ္လမ်) မိန့်ကြားတော်မူသည်မှာ "မုအ်မင်န် သင်ဝင်ယုံကြည်သူ အမျိုးသား၊ အမျိုးသမီးတို့သည် ဘေးဒုက္ခများနှင့်စမ်းသပ်အမျိုးမျိုးကို အစဉ်မပြတ်ခံစားရပေသည်။ ဥပမာ မိမိတို့၏ကိုယ်ခန္ဓာတွင် နာမကျန်းဖြစ်ခြင်း၊ မိမိတို့၏သားသမီးများတွင် ဖျားနာခြင်း၊ ကွယ်လွန်ခြင်း၊ သားသမီးတို့က မိဘအမိန့်ကို မနာခံခြင်း၊ သိုမဟုတ် ပစ္စည်းဥစ္စာဆင်းရဲခြင်း၊ ကုန်ရောင်းကုန်ဝယ်ပြုရာတွင် နစ်နာဆုံးရှုးခြင်း၊ ခိုးဝှက်ခံရခြင်း၊ အသက်မွေးဝမ်းကြောင်းပြုရာ၌ကျပ်တည်းမှုကို ခံစားရခြင်း၊ ရိုဇီရိက္ခာကျပ်တည်းခြင်း စသည်တိုအား အစဉ်အမြဲခံစားကြရပေသည်။ ဤသိုဘေးဒုက္ခများခံစားရသောကြောင့် အရှင်မြတ်သည် ယင်းမုအ်မင်န်တို၏အပြစ်အကုသိုလ်အားလုံးကို ခွင့်လွှတ်လိုက်လေရာ ယင်းမုအ်မင်န်သည် ကျူးလွန်ခဲ့သည့်အပြစ်အကုသိုလ်များအားလုံးမှ သန့်ပြန့်စင်ကြယ်သွားသည့်အနေအထားဖြင့် အလ္လာဟ်အရှင်မြတ်နှင့်တွေ့ဆုံခွင့်ရသွားသည်။

• အလ္လာဟ်အရှင်မြတ်သည် မုအ်မင်န်သက်ဝင်ယုံကြည်သူ့အား သူတို့၏လောကီဘဝ၌ကျူးလွန်ခဲ့သောအကုသိုလ်များအားလုံးကို သူတို့လောကီဘဝ၌ခံစားကြရသော ဘေးဒုက္ခများနှင့်ပျက်စီးဆုံးရှုးမှုများကို အကြောင်းခံ၍ခွင့်လွှတ်ပေးလိုက်ခြင်းသည် အရှင်မြတ်ကသူတို့အပေါ် ကရုဏာထားခြင်းပင်ဖြစ်သည်။
• အီမာန်သက်ဝင်ယုံကြည်မှုရှိပါက ဘေးဒုက္ခများခံစားရရုံဖြင့် အကုသိုလ်များ ခွင့်လွှတ်ခြင်းခံရပေသည်။ ထို့ပြင် သူသည် ကျေနပ်စွာဖြင့် ဆွဗ်ရ်သည်းခံခဲ့ပါက အကျိုးကုသိုလ်ပါ ရရှိမည်ဖြစ်သည်။
• မိမိနှစ်သက်သောအရာများနှင့် မနှစ်သက်သောအရာများအားလုံးတွင် သည်းခံခြင်းကို ကျင့်သုံးရန် တိုက်တွန်းထားသည်။ အလ္လာဟ်အရှင်မြတ် ပညတ်ထားသော တာဝန်များကို ကျေပွန်စွာ ဆောင်ရွက်ရန် သည်းခံရမည်။ အလ္လာဟ်အရှင်မြတ် တားမြစ်ထားသော အရာများမှ ရှောင်ကြဉ်ရန် သည်းခံရမည်။ သည်းခံရာတွင် အရှင်မြတ်၏အစားပေးခြင်းကို မျှော်လင့်ပြီး အရှင်မြတ်ပေးမည့် အပြစ်ဒဏ်ကို ကြောက်ရွံ့ရမည်။
• ကိုယ်တော့်၏မိန့်ကြားချက်တွင် “မုအ်မင်န် သက်ဝင်ယုံကြည်သူ အမျိုးသား၊ အမျိုးသမီး” ဟူသော စာသား၌ “မုအ်မိနဟ် သက်ဝင်ယုံကြည်သူအမျိုးသမီး”ဟူ‌သော စကားလုံးကို ထည့်သွင်းဖော်ပြခြင်းသည် အမျိုးသမီးကို အထူးတလည်အလေးထား၍ဖော်ပြထားကြောင်းသိရှိရသည်။အကယ်၍ "မုအ်မင်န်" သက်ဝင်ယုံကြည်သူဟူ၍သာ ဖော်ပြခဲ့လျှင်လည်း အလိုအလျောက် အမျိုးသမီးများ ပါဝင်သွားမည်ဖြစ်သည်။ အဘယ့်ကြောင့်ဆိုသော် ယင်းစမ်းသပ်မှုများသည် အမျိုးသားများနှင့်သာ သီးသန့်သက်ဆိုင်သည်မဟုတ်‌ပေ။ ထို့ကြောင့် အမျိုးသမီးတစ်ဦးအပေါ် ဒုက္ခဆင်းရဲ ကျရောက်ပါကလည်း သူမသည်လည်း အပြစ်အကုသိုလ်များမှခွင့်လွှတ်ခြင်းခံရမည်ဆိုသည့် အကျိုးကုသိုလ်ကို ရရှိမည်ဖြစ်ကြောင်း ကတိတော်လာရှိထားသည်။
• ဘေးဒုက္ခများခံစားရခြင်း‌ကြောင့်ရရှိမည့် အကျိုးကျေးဇူးများကို သိရှိထားခြင်းသည် လူတစ်ဦး အကြိမ်ကြိမ်ကြုံတွေ့ရသော ဒုက္ခဆင်းရဲများကို ပေါ့ပါးစွာခံစားနိုင်ရန်အကြောင်းခံဖြစ်သည်။

1. ပင်မစာမျက်နှာ
2. အကီဒဟ် ယုံကြည်ချက်။
3. သတ်က်ဒီးရ် သတ်မှတ်ချက်နှင့်ဆုံးဖြတ်ချက်အပေါ် အီမာန်သက်ဝင်ယုံကြည်ခြင်း။
4. ဟဒီးဆ်

1. ပင်မစာမျက်နှာ
2. ထွတ်မြတ်မှုများနှင့် အာဒါဗ်စည်းကမ်းများ။
3. နှလုံးသားကို နူးညံ့စေသော ဆုံးမဩဝါဒများ။
4. စိတ်နှလုံးသားများကို ပြုပြင်ခြင်း။
5. ဟဒီးဆ်

• အို - ကလေးငယ် ငါတမန်တော် သင့်အား အချို့သောစကားရပ်များကို သင်ပေးတော်မူမည်။ သင်အလ္လာဟ်အရှင်မြတ်၏ အမိန့်တော်များကို(လိုက်နာပြီး) ထိန်းသိမ်းပါလေ။ အရှင်မြတ်သည် သင့်အားထိန်းသိမ်းစောင့်ရှောက်တော်မူမည်။ ထို့ပြင်အသင်အလ္လာဟ်အရှင်မြတ်၏အမိန့်တော်များကိ...
• တမန်တော်မြတ် ( ဆွလ္လလ္လာဟု အလိုင်ဟိ ဝစလ္လမ် )က မိန့်တော်မူသည်မှာ - အကယ်၍ အသင်မ ( ဤရောဂါခံစားရမှုအပေါ်မှာ ) သည်းခံဖို့ ဆန္ဒရှိတယ်ဆိုရင် အသင်မအဖို့ ( အာခိရသ်မှာ )ဂျန္နသ် ရရှိမှာဖြစ်တယ်။ အကယ်၍ အသင်မ ဆန္ဒရှိတယ်ဆိုရင် ငါကိုယ်တော် အသင်မအတွက် အလ္လ...
• ကြီးမားလှသည့် ဒုက္ခစမ်းသပ်မှုနဲ့အတူ ကြီးကျယ်လှသည့် အကျိုးကုသိုလ်လည်း ရှိသည်။ ဧကန်အမှန်ပင် အလ္လာဟ်အရှင်မြတ်သည် လူအုပ်စုတစ်စုအားချစ်မြတ်နိုးတော်မူလျှင် ၎င်းတို့အား စမ်းသပ်တော်မူသည်။ အကြင်သူသည် ဤစမ်းသပ်မှုအပေါ် ကျေနပ်လျှင် ၎င်းသည် အလ္လာဟ်အရှင်...
• သန့်ရှင်းစင်ကြယ်မှုသည် အီမာန်ယုံကြည်မှု၏ တစ်ဝက်ဖြစ်သည်။ ‘အလ်ဟမ်ဒု လိလ္လာဟ်’သည် မီဇာန်ချိန်ခွင်ကို အချိန်လေး၍ ပြည့်စေမည်။‘စွဗ်ဟာနလ္လာဟ်နှင့် အလ်ဟမ်ဒုလိလ္လာဟ်’ဇိက်ရ်တော်နှစ်ခုသည် (သို့မဟုတ် ဇိက်ရ်တော် တစ်ခုသည်) မိုးကောင်းကင်နှင့်ပထဝီမြေပြင်ကြ...