Nabiyaamã -Wẽnd pʋʋsg la A tɩlgr be a yĩnga- kõta kibare, tɩ neb nins sẽn bʋʋd ne tẽeg tɩrga la sɩda nebã ne taab sʋkã, tɩ bãmbã b na n zĩnda zaoos zut sẽn zẽke, tɩ yaa sẽn naan ne nuura, tɩ yaa waoor ne-ba dũni yikr raarã. la zao-kãensã b bee Arrahmaan Naab rɩtg wεεngẽ, la Wẽnd Nus a yiibã fãa rag n yaa rɩtgo.

• Wilgda tẽeg tɩrg yɩɩdlemã la b pirsdame tɩ b maan-a.
• Tẽeg tɩrg yaa bũmb sẽn gũbgi, a kʋmba taoorã reegr fãa gilli, la bʋ nebã ne taab sʋka, halɩ n tʋg n tãag pagbã ne taab tẽeg tɩrga, la kombã la zẽng sẽn ka rẽ.
• Hadiisã vẽnegdame n wilgd tẽeg tɩrg rãmbã dargε-rãmbã sẽn ta zĩig ninga, dũni wã yikr raare.
• A wilgda sɩd-kõtbã dargε-rãmbã sẽn yõs taabã, ned fãa gill na n zemsa a tʋʋmdã sẽn yɩ to-to.
• Kẽes nebã yamleoog ne bũmbã a yaa na-kẽnd sõng sẽn be Da'awa wã (bool n tʋg Wẽndã) na-kẽndr pʋgẽ, t'a yɩt sabab n kẽesd yamleoog ned ning b sẽn boond-a n tʋgd tũudmã pʋgẽ.