Жубайр бин Мутъим (Аллах андан ыраазы болсун) риваят кылган хадисте ал Пайгамбардын (ага Аллахтын тынчтыгы жана мактоосу болсун) мындай дегенин укту: «Тууганчылык байланышты үзгөн адам бейишке кирбейт».
Сахих (ишенимдүү) - Муттафакун алайхи (хадистин ишенимдүүлүгүнө бир ооздон макулдашылган)
Пайгамбар (ага Аллахтын тынчтыгы жана мактоосу болсун) кимде-ким жакындарынын важип акысын өтөбөсө, же аларга жамандык кылса, анда ал бейишке кирбөөгө татыктуу экенин билдирген.
Хадистин пайдалары
Тууганчылык байланышты үзүү чоң күнөөлөрдөн.
Тууганчылык байланыш каада-салтка жараша болот. Ал жерге, заманга, адамдарга жараша айырмаланып турат.
Тууганчылык байланыш зыярат кылуу, садака берүү, аларга жакшылык кылуу, оорулууларды зыярат кылуу, жакшылыкка буюруу, жамандыктан кайтаруу ж.б.у.с. мамиле менен болот.
Туугандык байланыштын үзүлүшү канчалык жакын туугандар менен болсо, күнөөсү ошончолук чоң болот.
