پێغەمبەر -صلى اللە علیە وسلم- پێمان ڕادەگەیەنێت كە باشترین كۆمەڵ لە نێو خەڵكیدا ئەگەر كۆ ببنەوە لە یەك سەردەمدا؛ بریتیە لەو كۆمەڵەی كە پێغەمبەری خودا -صلى اللە علیە وسلم- وهاوەڵانی تێدایە، دواتر ئەوانەی شوێنیان كەوتن لە ئیمانداران وگەیشتن بە سەردەمی هاوەڵان ونەگەیشتن بە سەردەمی پێغەمبەری خودا -صلى اللە علیە وسلم-، دواتر ئەوانەی شوێنیان كەوتن لە شوێنكەوتووانی تابیعیەكان، وهاوەڵەكە بە گومان بوو لە باسكردنی ئەوانەی شوێنیان كەوتن لە سەدەی چوارەم. پاشان پێغەمبەر -صلى اللە علیە وسلم- فەرمووی: لە پاش ئەوان خەڵكانێك دێن خیانەت دەكەن وخەڵكی متمانەیان پێناكات، وشاهێدی دەدەن پێش ئەوەی داوای شاهێدی دانیان لێبكرێت، ونەرز دەكەن وجێبەجێی ناكەن، وزێدەڕۆیی دەكەن لە خواردن وخواردنەوە هەتاوەكو قەڵەوی تێیاندا دەردەكەوێت.

• خێرترین سەدە ونەوە لە تەمەنی دونیا؛ ئەو سەدەیە كە پێغەمبەر -صلى اللە علیە وسلم- وهاوەڵانی تێیدا ژیان، ولە سەحیحی بوخاریدا هاتووە كە پێغەمبەر -صلى اللە علیە وسلم- فەرموویەتی: «نێردراوم لە خێرترین سەدەی نەوەی ئادەمدا، سەدە لە دوای سەدە، هەتاوەكو لەو سەدەیەدا بووم كە تێیدا بووم».
• ئیبن حەجەر دەڵێت: فەرموودەكە وا دەخوازێت كە هاوەڵان باشترن لە تابیعیەكان، وتابیعیەكان باشترن لە شوێنكەوتووانیان، ئایا ئەم باشتر بوونە ئاماژەیە بۆ كۆمەڵ یان تاكەكان؟ ئەمە جێی گفتوگۆ وگەڕانە، وزۆرینەی زانایان ڕایان لەسەر دووەمە.
• ئاماژەیە بۆ پابەند بوون بە شوێنكەوتنی ڕێبازی سێ سەدەكەی یەكەم؛ چونكە ئەوەی سەردەمی نزیكتر بێت لە سەردەمی پێغەمبەرایەتی ئەوا لە پێشترە لە فەزڵ وزانست وسەرمەشقی وشوێنكەوتنی ڕێبازی پێغەمبەر -صلى اللە علیە وسلم-.
• نەزر: بریتیە لەوەی مرۆڤی پێسپێردراو -موكەلەف- خۆی پابەند بكات بە گوێڕایەڵی وپەرستنێك كە خاوەن شەریعەت فەرمانی نەكردووە بە پابەند بوون پێوەی؛ وئەم نەزرە دێتە دی بە هەموو قسەیەك كە ئاماژەی بۆ بكات.
• سەرزەنشتكردنی خیانەت وناپاكی وجێبەجێ نەكردنی نەزر وپەیوەست بوون بە دونیاوە.
• سەرزەنشتكردنی شاهێدیدان بە بێ ئەوەی داوای لێبكرێت شاهێدی بدات ئەگەر خاوەن هەق سەبارەتی بزانێت، بەڵام ئەگەر سەبارەتی نەزانێت ئەوا ئەم فەرموودەیەی پێغەمبەر -صلى اللە علیە وسلم- دەیگرێتەوە: «ئایا پێتان نەڵێم سەبارەت بە چاكترین شاهێدی دەرەكان؟ ئەوەیە كە شاهێدیەكەی دەدات پێش ئەوەی داوای لێبكرێت» [رواه مسلم].

1. سه‌ره‌كی
2. عەقیدە (بیروباوەڕ)
3. هاوەڵان (صەحابە)
4. فەزڵەکانی هاوەڵان -ڕەزای خوایان لێبێت-
5. فەرموودە

• پێغەمبەر -صلى الله علیه وسلم- سەبارەت بە ئەنساڕ (پشتیوانان) فەرمووی: «هیچ کەسێک خۆشیانی ناوێت مەگەر ئیماندار نەبێت، وهیچ کەسێک ڕقی لێیان نییە مەگەر دووڕوو (مونافیق) نەبێت...
• ئاڵاکە دەدەمە دەستی پیاوێک کە خوای گەورە وپێغەمبەری خۆش دەوێت، وخوای گەورە لەسەر دەستی ئەو فەتح وڕزگارکردن بەرپا دەکات
• تەقواى خواى گەورە بکەن، وگوێڕایەڵی کاربەدەستی موسوڵمانان بن وفەرمانەکان جێبەجێ بکەن، وئەگەرچیش بەندەیەکی حەبەشی بێت
• هەرپیاوێک بەشداری بەدر وحودەیبیەی کردبێت؛ ناچێتە دۆزەخەوە