တမန်တော်(ဆွလ္လာဟုအလိုင်ဟိဝစလ္လမ်) က ခေတ်ကာလတစ်ခုတွင် စုစည်းနေထိုင်သော လူအုပ်စုများအနက် အကောင်းဆုံးသောအုပ်စုမှာ တမန်တော်(ဆွလ္လာဟုအလိုင်ဟိဝစလ္လမ်)နှင့် သူ၏ တပည့်သာဝကများ(စွဟာဗဟ်များ) ရှိသည့် လူအုပ်စုဖြစ်ကြောင်း၊ ထို့နောက် သူတို့နောက်တွင် ရှိသော တမန်တော်(ဆွလ္လာဟုအလိုင်ဟိဝစလ္လမ်)ကို တွေ့ဆုံခဲ့ခြင်းမရှိဘဲ စွဟာဗဟ်သာဝကများကိုသာ တွေ့ဆုံခဲ့ကြသော မုအ်မင်န်များ(သာဗီအီးန်များ)၊ ထို့နောက် သူတို့နောက်တွင် ရှိသော နောက်လိုက်များ(သဗအ်သာဗီအီးန်များ)ဖြစ်သည်ဟု မိန့်ကြားတော်မူခဲ့သည်။ စွဟာဗဟ်ကြီး (အင်မ်ရားန်ဗင်ဟုဆွိုင်းန်) သည် စတုတ္ထမြောက် အုပ်စုကို ဖော်ပြရာတွင် ဝေခွဲမရဖြစ်ခဲ့လေသည်။ ထို့နောက် တမန်တော်မြတ်(ဆွလ္လာဟုအလိုင်ဟိဝစလ္လမ်)က ယင်း (အကောင်းဆုံးအုပ်စုများ) ပြီးနောက် သစ္စာဖောက်ကြမည့်၊ လူများက သူတို့ကို ယုံကြည်ကိုးစားခြင်း မပြုကြမည့်၊ သက်သေခံခိုင်းခြင်း မခံရမီကပင် သက်သေခံကြမည့်၊ နဇရ်ကိုးကြသော်လည်း ထိုနဇရ်ကိုးခြင်းအား ဖြည့်ဆည်းခြင်း မပြုကြမည့်၊ စားသောက်မှုတွင် ကျယ်ပြန့်ခြင်း ဖြစ်ပေါ်လာကာ အဝလွန်ခြင်း ပျံ့နှံ့လာမည့် လူများ ပေါ်ပေါက်လာလိမ့်မည်ဟု မိန့်ကြားတော်မူခဲ့သည်။

• လောကီသက်တမ်းတစ်‌လျှောက်တွင် အကောင်းဆုံးသောခေတ်ကာလ၊ အကောင်းဆုံးမျိုးဆက်သည် တမန်တော်မြတ်(ဆွလ္လာဟုအလိုင်ဟိဝစလ္လမ်)နှင့် သူ၏တပည့်သာဝကများ(စွဟာဗဟ်များ) ရှင်သန်နေထိုင်ခဲ့ကြသော ခေတ်ကာလဖြစ်သည်။ ဆွဟီးဟ်ဗုခါရီကျမ်းတွင် တမန်တော်မြတ်(ဆွလ္လာဟုအလိုင်ဟိဝစလ္လမ်)က “လူသားတို့၏ ခေတ်ကာလများအနက် အကောင်းဆုံးသော ခေတ်ကာလများ၌ ငါကိုယ်တော်ဟာ စေလွှတ်တော်မူခြင်းခံရသည်။ ခေတ်ကာလအဆက်ဆက်ပြီး‌နောက် နောက်ဆုံးငါကိုယ်တော်ရှိခဲ့သော ခေတ်ကာလသို့ ရောက်ရှိခဲ့သည်” ဟု မိန့်ကြားတော်မူခဲ့သည်။
• အိဗ်နေဟဂျရ်က မိန့်ဆိုသည်မှာ- ဤဟဒီးစ်တော်၏ ဆိုလိုရင်းမှာ စွဟာဗဟ်များသည် သာဗီအီးန်များထက် သာလွန်ကောင်းမွန်ပြီး၊ သာဗီအီးန်များသည် သဗအ်သာဗီအီးန်များထက် သာလွန်ကောင်းမွန်သည် ဟူ၍ ဖြစ်သည်။ သို့ရာတွင် ဤသာလွန်ကောင်းမွန်မှုသည် အုပ်စုလိုက်အားဖြင့်လော၊ သို့မဟုတ် တစ်ဦးချင်းအားဖြင့်လော ဆိုသည်မှာ ဆွေးနွေးစရာ ရှိပြီး ပညာရှင်အများစု၏ သဘောထားမှာ ဒုတိယအချက်ဖြစ်သည့် တစ်ဦးချင်းအားဖြင့် သာလွန်ကောင်းမွန်ခြင်း ဖြစ်သည်။
• ဤဟဒီးစ်တော်တွင် ပထမဦးဆုံးခေတ်ကာလသုံးခု(တွင်ရှိခဲ့ကြသောသူတို့)၏ လမ်းစဥ်ကို လိုက်နာရန် ညွှန်ပြချက် ပါရှိသည်။ အကြောင်းမှာ မည်သူ၏ ခေတ်ကာလသည် တမန်တော်မြတ်၏ခေတ်ကာလနှင့် ပိုမိုနီးစပ်လေလေ၊ ထိုသူသည် သာလွန်ကောင်းမွန်မှု၊ အသိပညာ၊ တမန်တော်မြတ် (ဆွလ္လာဟုအလိုင်ဟိဝစလ္လမ်)၏ စွန္နသ်လမ်းစဥ်ကို လိုက်နာခြင်းနှင့် အတုယူခြင်းတွင် ပိုမိုအခွင့်အရေးရှိသောကြောင့် ဖြစ်သည်။
• နဇရ် (ကိုးခြင်း) ဆိုသည်မှာ - လူတစ်ဦးသည် တရားတော်က မိမိအပေါ်၌ မဖြစ်မနေပြုလုပ်ရန် ပြဌားန်ထားခြင်းမရှိသော နာခံကိုးကွယ်မှုတစ်ခုကို မိမိအပေါ်၌ မဖြစ်မနေပြုလုပ်ရမည်ဟု အဓိပ္ပါယ်ရသည့် စကားဖြင့် သတ်မှတ်လိုက်ခြင်း ဖြစ်သည်။
• ဤဟဒီးစ်တော်တွင် သစ္စာဖောက်ခြင်း၊ နဇရ်ကိုးပြီးနောက် ၎င်းအားမဖြည့်ဆည်းခြင်းနှင့် လောကီကို တွယ်တာခြင်းတို့ကို ရှုတ်ချထားသည်။
• မခိုင်းစေဘဲ သက်သေခံခြင်းကို ရှုတ်ချထားခြင်းမှာ အခွင့်ရှိသူ (သက်သေခံခြင်းဖြင့် အကျိုးရှိမည့်သူ) က ၎င်းကို သိရှိသည့်အခါမျိုး၌ ဖြစ်သည်။ အကယ်၍ သူသိရှိခြင်းမရှိပါက တမန်တော်မြတ် (ဆွလ္လာဟုအလိုင်ဟိဝစလ္လမ်) ၏ အောက်ပါမိန့်ကြားချက်တွင် အကျုံးဝင်မည် ဖြစ်သည်- “အကောင်းဆုံးသော သက်သေခံသူအကြောင်း သင်တို့အား ငါကိုယ်တော် ပြောပြရမည်လော။ ထိုသူသည် မိမိအား သက်သေခံခိုင်းခြင်း မခံရမီကပင် သက်သေခံချက်ကို ယူဆောင်လာတတ်သောသူဖြစ်သည်။” (မွတ်စ်လင်မ်ကျမ်း)

1. ပင်မစာမျက်နှာ
2. အကီဒဟ် ယုံကြည်ချက်။
3. ဆွဟာဗဟ်များ။
4. ဆွဟာဗဟ်(رضي الله عنهم)တို့၏ ထွတ်မြတ်မှု။
5. ဟဒီးဆ်

• တမန်တော်မြတ် (ဆွလ္လလ္လာဟုအလိုင်းဟိဝစလ္လမ်)သည် အန်ဆွာရီတို့နှင့် ပတ်သက်၍ မိန့်ကြားတော်မူသည်မှာ မုအ်မင်န် သက်ဝင်ယုံကြည်သူသာလျှင် အန်ဆွာရီတို့ကို ချစ်ခင်သည်။ မုနာဖိက် အရေခြုံမွတ်စ်လင်မ်သာလျှင် ၎င်းတို့ကို မုန်းတီးသည်။ အန်ဆွာရီတို့ကို ချစ်ခင်သူ...
• ဗဒရ်စစ်ပွဲနှင့် ဟုဒိုင်ဘီယာစစ်ပြေငြိမ်းရေးစာချုပ်တွင် ပါဝင်ခဲ့သော မည်သူမျှ ဂျဟန္နမ်ငရဲသို့ ဝင်ရောက်ရမည် မဟုတ်ပေ။...
• - "စင်စစ် သင်သည် ကျောက်တုံးတစ်တုံးမျှသာဖြစ်ပြီး ကောင်း ကျိုးလည်းမပြုနိုင်၊ ဆိုးကျိုးလည်းမပေးနိုင်ကြောင်း ကျွန်ုပ်သိ၏။ အကယ်၍ ကျွန်ုပ်သည် တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) က သင့်အား နမ်းသည်ကို မမြင်ခဲ့ပါက သင့်အား ကျွန်ုပ် နမ်းမည်မဟုတ်...
• “ငါသည် အသင်တို့အား အလ္လာဟ်အရှင်မြတ်အား ကြောက်ရွံ့ရိုသေစွာဖြင့် နေထိုင်ကြရန်နှင့်(အုပ်ချုပ်သူများ၏ အမိန့်ကို ) နာခံလိုက်နာကြရန် ဆုံးမညွှန်ကြားပါသည်။ ထိုအုပ်ချုပ်သူသည် ဟဗရှီကျွန်တစ်ဦးဖြစ်စေကာမူ (နာခံလိုက်နာကြလော့)။ ငါကိုယ်တော် ၏နောက်တွင် သင်တ...