ነቢዩ (የአላህ ሰላትና ሰላም በእርሳቸው ላይ ይስፈን) በአንድ ዘመን ከሚኖሩ ማህበረሰቦችና ትውልዶች መካከል ምርጡ ማህበረሰብና ትውልድ የአላህ መልክተኛ (የአላህ ሰላትና ሰላም በእርሳቸው ላይ ይስፈን) እና ሶሐቦች የነበሩበት ማህበረሰብና ትውልድ መሆኑን ተናገሩ። ቀጥሎ ደግሞ ከዛ ቀጥለው የመጡ የአላህን መልክተኛ ሳያገኙ ሶሓቦችን ያገኙ አማኞች መሆናቸውን ተናገሩ። ቀጥሎ ደግሞ ከዛ ቀጥለው የመጡ አትባዑ ታቢዒኖች ናቸው። ይህን ሐዲሥ የተናገረው ሶሓባ አራተኛው ትውልድ በመጠቀሱ ዙሪያ አመንትቷል። ቀጥለው ነቢዩ (የአላህ ሰላትና ሰላም በእርሳቸው ላይ ይስፈን) "ከነዚህ በኋላ ሰው የማይተማመንባቸው ከዳተኞች የሆኑ፤ ለምስክርነት ሳይጠየቁ በፊት ምስክርነትን የሚሰጡ፤ ስለት ተስለው ስለታቸውን የማይሞሉ፤ ውፍረት በግልፅ እስኪስተዋልባቸው ድረስ መብላትና መጠጣት የሚያበዙ ሰዎች ይመጣሉ።" አሉ።

• ዱንያ ካለፈባት ዘመን ባጠቃላይ ምርጡ ዘመንና ትውልድ ነቢዩና (የአላህ ሰላትና ሰላም በእርሳቸው ላይ ይስፈን) ሶሓቦች ያሳለፉት ዘመን ነው። በሶሒሕ ቡኻሪ እንደመጣው ነቢዩ (የአላህ ሰላትና ሰላም በእርሳቸው ላይ ይስፈን) እንዲህ ብለዋል: "እኔ የኖርኩበት ትውልድ እስኪመጣ ድረስ ከነበሩት ሁሉ መልካም የሆነ ከአደም ልጆች ሁሉ ከምርጥም ምርጥ ትውልድ ላይ ተላኩኝ።"
• ኢብኑ ሐጀር እንዲህ ብለዋል: "ይህ ሐዲሥ ሶሐቦች ከታቢዒዮች የበለጡ መሆናቸውን፤ ታቢዒዮች ደግሞ ከአትባዑ ታቢዒን የበለጡ መሆናቸውን ያስይዛል። ነገር ግን ይህ በላጭነት እንደ ጥቅል ነው ወይስ በተናጠልም ጭምር ነው? የሚለው ጥያቄ ጥናት የሚፈልግ ጉዳይ ነው። አብዛኛዎቹ ዑለማ ግን ሁለተኛውን አቋም መርጠዋል።"
• የሶስቱን የመጀመርያ ትውልዶች መንገድ አጥብቆ በመከተል ላይ መጠቆሙን ያስረዳናል። ዘመኑ ለነቢያዊው ዘመን የቀረበ በሆነ ቁጥር በደረጃና በእውቀት የበለጠ ለመሆን እንዲሁም የነቢዩን (የአላህ ሰላትና ሰላም በእርሳቸው ላይ ይስፈን) መመሪያ ለመከተል የተገባ ነውና።
• ስለት ማለት: አንድ ለአቅመ አዳም የደረሰና አይምሮው ጤነኛ የሆነ ሰው ግዴታነትን በሚጠቁም ማንኛውም ንግግር አላህ ግዴታ ያላደረገበትን አንድን አምልኮ ራሱ ላይ ግዴታ ማድረጉ ነው።
• ከዳተኝነት፣ ስለትን አለመሙላትና ቀልብን በዱንያ ማንጠልጠል መወገዙን እንረዳለን።
• ባለመብቱ ምስክር ሊሆነው እንደሚችል እያወቀም ምስክርነት ሳይጠይቀው መመስከር መወገዙን እንረዳለን። ባለመብቱ እርሱ ምስክር እንደሆነ ካላወቀው ግን "ምርጡን ምስክር አልነግራችሁምን? ሳይጠየቅ በፊት ለመመስከር የሚመጣ ምስክር ነው።" የሚለው የነቢዩ (የአላህ ሰላትና ሰላም በእርሳቸው ላይ ይስፈን) ንግግር ውስጥ የሚካተት ነው።

1. ዋና ገፅ
2. ዐቂዳ (እምነት)
3. በመልክተኞች ማመን
4. የወሊዮች ከራማ
5. ሓዲሥ

1. ዋና ገፅ
2. ዐቂዳ (እምነት)
3. ሶሐባ
4. የሶሐቦች (ረዺየሏሁ ዐንሁም) - አላህ መልካም ሥራቸውን ይውደድላቸውና ደረጃ
5. ሓዲሥ

• እኔ የማትጎዳና የማትጠቅም ድንጋይ መሆንህን አውቃለሁ። እኔ ነቢዩ (የአላህ ሰላትና ሰላም በእርሳቸው ላይ ይስፈን) ሲስሙህ ባላይህ ኖሮ አልስምህም ነበር።...
• 'ወደርሱ ሂድና አንተ ከእሳት ሰዎች ሳትሆን ከጀነት ሰዎች ነህ በለው።' አሉት ሰውየውም ታላቅ የብስራት ዜና ይዞ በድጋሚ (ወደ ሣቢት) ተመለሰ።
• እኔ ከናንተ መካከል ፍፁም ወዳጅ ከመያዝ ወደ አላህ እጥራራለሁ። ምክንያቱም የላቀው አሏህ ኢብራሂምን ፍፁም ወዳጅ
• ነቢዩ (የአላህ ሶላትና ሰላም በእርሳቸው ላይ ይስፈንና) ስለ አንሷሮች እንዲህ አሉ: "አማኝ እንጂ አይወዳቸውም፤ ሙናፊቅ እንጂ አይጠላቸውም። አንሷሮችን የወደደ አላህ ይወደዋል። አንሷሮችን የጠላ አላህ ይጠላዋል።...