پێغەمبەر -صلى اللە علیە وسلم- پێمان ڕادەگەیەنێت كە خوای گەورە سێ سیفەت وكردەوەی بەندەكانی پێ خۆشە، وڕقی لە سێ سیفەتیانە، پێی خۆشە: بە تەنها ئەو (الله) بپەرستن وبە هیچ شێوەیەك هاوبەشی بۆ بڕیار نەدەن، وهەموویان تەنها دەست بگرن بە پەیمانی خودا (ئاینی خودا) -قورئان وسونەتی پێغەمبەرەكەی-، وجیا نەبنەوە لە كۆمەڵی مسوڵمانان. وپەروەردگار ڕقی دەبێتەوە: لە قسەی ناڕەوا وبێ سوود وقسەیەك پەیوەندی بە ئەوانەوە نەبێت، ولە پرسیاركردن سەبارەت بە شتێك كە ڕووی نەداوە -یان مەحاڵە ڕووبدات-، یان لە داواكردنی پارە وشتی تر لە خەڵكی؛ ئەگەر پێویست نەبێت، ولە بە فیڕۆدانی پارە وسامان وخەرجكردنی لە ڕێگایەكی ناشەرعیدا یان تووشی لەناوچوونی بكات.

• الله -سبحانه وتعالی- پێی خۆشە كە بەندەكانی دڵسۆز بن لە پەرستنیدا، وڕقی دەبێتەوە لە كوفر كردن پێی.
• هاندان بۆ دەستگرتن بە پەتی (ئاینی) الله وە -سبحانه وتعالی-؛ چونكە هۆكارە بۆ كۆبوونەوە ویەكڕیزی.
• هاندان بۆ دامەزراوەیی كۆمەڵی مسوڵمانان، وفەرمانكردن بە پابەند بوون پێوەی ویەكڕیزیان، ونەهی كردن لە پێچەوانەكانیان وەكو ناكۆكی ودووبەرەكی.
• نەهی كراوە لە زۆر قسە كردن لە شتێكدا پەیوەندی پێوەی نەبێت؛ چونكە ئەگەر قسەكردنەكە ڕێگەپێدراو بێت ئەوا بە فیڕۆدانی كاتە، وئەگەر حەرام بێت؛ هۆكارە بە تووشبوون بە گوناهی زۆر.
• وازهێنان لە باسكردنی هەواڵ ودەنگوباسی خەڵكی، ودووركەوتنەوە لە گەڕان بە دوای حاڵیان وگێڕانەوەی قسە وكردەوەیان.
• زۆر داوا كردنی پارە وسامان لە خەڵكی؛ نەهی لێكراوە.
• بەفیڕۆدانی پارە وسامان؛ حەرامە، وهاندان بۆ پارێزگاری كردن لێیان بۆ شتێك كە سوودی تێدایە.

1. سه‌ره‌كی
2. عەقیدە (بیروباوەڕ)
3. باوەڕهێنان بە خوای گەورە
4. تاکبوونی خودا لە پەرستنیدا
5. فەرموودە

1. سه‌ره‌كی
2. فیقهی شەرعی وبنچینەکانی (الفقه وأصوله)
3. فیقهی خێزان
4. کۆمەڵگای مسوڵمان
5. فەرموودە

• مەڵێن: خوای گەورە بیەوێت وفڵان کەس بیەوێت، بەڵکو بڵێن: خوای گەورە بیەوێت پاشان فڵان کەس بیەوێت
• ئەوەی تەمیمەیەک^ هەڵبواسێت؛ ئەوا شیرک وهاوبەشی بۆ خواى گەورە بڕیارداوە
• سوێند بە بتەکان (تاغوتەکان) وبە باوباپیرانتان مەخۆن
• زیادەڕەوی مەکەن لە وەسفکردنی من هەروەکو چۆن گاورەکان زیادەڕەوییان کرد لە وەسفکردنی کوڕی مەریەم (عیسا)، من تەنها بەندەم، بۆیە بڵێن: بەندەی خودا (عبد الله) وپێغەمبەری خودا...