တမန်တော်မြတ် (ဆွလ္လလာဟုအလိုင်ဟိဝစလ္လမ်)က အလ္လာဟ်အရှင်မြတ်သည် မိမိကျွန်များထံမှ အရည်အချင်းလက္ခဏာသုံးရပ်ကို နှစ်သက်တော်မူပြီး၊ အရည်အချင်းလက္ခဏာသုံးရပ်ကို မနှစ်မြို့တော်မူကြောင်း မိန့်ကြားတော်မူခဲ့သည်။ ၎င်းတို့ထံမှ အရှင်မြတ် နှစ်သက်တော်မူသော အရည်အချင်းလက္ခဏာသုံးရပ်မှာ - အရှင်မြတ်တစ်ပါးတည်းကိုသာ ခဝပ်ကိုးကွယ်ခြင်း၊ အရှင်မြတ်နှင့် မည်သည့်အရာကိုမျှ တွဲဖက်၍မကိုးကွယ်ခြင်း၊ အရှင်မြတ်၏ ကတိတော်၊ ကုရ်အာန်ကျမ်းတော်မြတ်နှင့် တမန်တော်မြတ်၏ စွန္နသ်တော်တို့ကို အားလုံးတစုတစည်းတည်း ခိုင်မြဲစွာဆုပ်ကိုင်ထားကြရန်နှင့် မွတ်စ်လင်မ်တို့၏ အ သင်းအဖွဲ့အုပ်စု မှ ကွဲပြားမသွားခြင်းတို့ ဖြစ်သည်။ ၎င်းတို့အတွက် အရှင်မြတ် မနှစ်မြို့တော်မူသော အရာများမှာ - အချည်းအနှီး၊ အကျိုးမရှိသော စကားပြောဆိုခြင်း၊ မိမိနှင့်မဆိုင်သော အရာများကို ဝင်ရောက်ပြောဆိုခြင်း၊ မဖြစ်သေးသော အရာများကို မေးမြန်းခြင်း၊ သို့မဟုတ် လူတို့၏ဥစ္စာပစ္စည်းများနှင့် ၎င်းတို့လက်ဝယ်ရှိအရာများကို လိုအပ်ချက်မရှိဘဲ မေးမြန်းခြင်း၊ ဥစ္စာပစ္စည်းကို ဖြုန်းတီးဖျက်ဆီးခြင်းတို့ ဖျက်ဆီးခြင်း၊ ရှရီအသ်တရားတော်အရ ခွင့်မပြုသောနေရာများတွင် သုံးစွဲခြင်း၊ ပျက်စီးဆုံးရှုံးမှုသို့ ရောက်ရှိစေခြင်းတို့ ဖြစ်သည်။

• ၁။ အလ္လာဟ်အရှင်မြတ်သည် မိမိ၏ ကျေးကျွန်များထံမှ ဝတ်ပြုကိုးကွယ်မှု၌ အိခ်လာစ်ွ (အလ္လာဟ်အရှင်မြတ်တစ်ပါးတည်းအတွက်သာ ရည်စူးပြုလုပ်ခြင်း) ကို လိုလားနှစ်သက်တော်မူပြီး၊ အရှင်မြတ်အား ကုဖုရ်(သွေဖည်ငြင်းပယ်ခြင်း) ကို မုန်းတော်လေသည်။
• ၂။ အလ္လာဟ်အရှင်မြတ်၏ ကြိုး (ကုရ်အာန်နှင့် စွန္နသ်တော်)ကို ခိုင်မြဲစွာ ဆုပ်ကိုင်ထားရန် တိုက်တွန်းထား သည်။ အကြောင်းမှာ ၎င်း၌ စည်းလုံးညီညွတ်မှုနှင့် အချင်းချင်း ချစ် ခင်ရင်းနှီးမှု ရှိသောကြောင့်ဖြစ်သည်။
• ၃။ (မွတ်စ်လင်မ်) အုပ်စုအသင်းအဖွဲ့နှင့် အတူရှိရန် အားပေးတိုက်တွန်းထားပြီး၊ ၎င်းအုပ်စုကို စွဲမြဲစွာ လိုက်နာရန်နှင့် ၎င်း၏စွတ်ဖ်အတန်းအစဉ်များကို စည်းလုံးညီညွတ်ရန် အမိန့်ပေးထားကာ၊ ၎င်း၏ဆန့် ကျင်ဘက်ဖြစ်သော ကွဲပြားခြင်းနှင့် သဘောထားကွဲလွဲခြင်းမှ တားမြစ်ထားသည်။
• ၄။ အကျိုးမရှိသောစကားများ များပြားစွာပြောဆိုခြင်းမှ တားမြစ်ထားသည်။ အကြောင်းမှာ ထိုစကားသည် ခွင့်ပြုခံရသော စကားဖြစ်ခဲ့သော် အချိန်ဖြုန်းတီးခြင်းဖြစ်ပြီး၊ တားမြစ်ခံရသော စကားဖြစ်ခဲ့သော် အပြစ်များ များပြားစေသောကြောင့် ဖြစ်သည်။
• ၅။ လူတို့၏ အကြောင်းအရာများတွင် ဝင်ရောက်စွက်ဖက်ခြင်း၊ သူတို့၏ အခြေအနေများကို လိုက်လံစောင့်ကြည့်ခြင်းနှင့် သူတို့၏ စကားများ၊ အပြုအမူများကို တစ်ဆင့်ပြန် လည်ဖောက်သည်ချခြင်းတို့မှ ရှောင် ကြဉ်ရန် (အမိန့်ပေးထားသည်။)
• ၆။ အခြားသူများ ၏ဥစ္စာပစ္စည်းများနှင့် ပတ်သတ်၍ အလွန်အကျူးမေးမြန်းစုံစမ်းခြင်းမှ တားမြစ်ထား သည်။
• ၇။ စည်းစိမ်ဥစ္စာကို ဖြုန်းတီးဖျက်ဆီးခြင်းအား ဟရာမ်တားမြစ်ထားပြီး၊ ယင်းအား အကျိုးရှိသောအရာများတွင် ထိန်းသိမ်းစောင့် ရှောက်ရန်တိုက်တွန်းထားသည်။

1. ပင်မစာမျက်နှာ
2. အကီဒဟ် ယုံကြည်ချက်။
3. အလ္လာဟ်အရှင်မြတ်အပေါ် အီမာန်သက်ဝင်ယုံကြည်ခြင်း။
4. အလ္လာဟ်အရှင်မြတ်သည် ခဝပ်ကိုးကွယ်မှုခံထိုက်ခြင်း၌ တစ်ဆူတည်းဖြစ်တော်မူခြင်း။
5. ဟဒီးဆ်

1. ပင်မစာမျက်နှာ
2. ဖိကဟ်နှင့် ၎င်း၏စည်းမျဥ်းများ။
3. မိသားစုဆိုင်ရာ ဖိကဟ်။
4. မွတ်စ်လင်မ် လူ့အဖွဲ့အစည်း။
5. ဟဒီးဆ်

• နဆ်ွရာနီတို့သည် မရ်ယမ်၏ သားတော်(တမန်တော်အီစာ) (အလိုင်းဟိစ္စလာမ်)အား အတိုင်းထက်အလွန် ကြည်ညိုအမွှမ်းတင်ကြသကဲ့သို့ အသင်တို့သည် ငါကိုယ်တော်အား အတိုင်းထက်အလွန် ကြည်ညိုအမွှမ်းတင်ခြင်းမပြုကြနှင့်။ ငါကိုယ်တော်သည် အရှင်မြတ်၏ကျေးကျွန်သာဖြစ်သည်။ ထို့က...
• ကိယာမသ်နေ့တွင် အလ္လာဟ်အရှင်မြတ်သည် ငရဲသားများအနက်မှ ပြစ်ဒဏ်အပေါ့ဆုံးသူကို ဤသိုမိန့်တော်မူမည်။ ကမ္ဘာပေါ်တွင်ရှိရှိသမျှအရာများအားလုံးကို အသင်ပိုင်ဆိုင်ပြီး ယင်းပိုင်ဆိုင်မှုအားလုံးနှင့်(ဤပြစ်ဒဏ်ကို လဲလှယ်၍)လျော်ကြေးပေးမည်‌လော။ ထိုအခါ ယင်းငရဲသ...
• ဧကန်မုချ အလ္လာဟ်အရှင်မြတ်နှင့် ပတ်သက်၍ ကျေးကျွန်များအပေါ်တွင်ရှိသည့်ဝတ္တရားမှာ ထိုအရှင်မြတ်ကိုသာ ခဝပ်ကိုးကွယ်ရန်နှင့် အရှင်မြတ်နှင့်အတူ မည်သည့်အရာကိုမျှ ယှဉ်တွဲကိုးကွယ်မှု မပြုရန်ဖြစ်သည်။ ကျေးကျွန်များနှင့် ပတ်သက်၍ အလ္လာဟ်အရှင်မြတ်အပေါ်တွင်...
• မျက်စိထိခြင်းမှ ကာကွယ်ရန်အတွက် ကုလားအုတ်လည်ပင်း၌ ချည်ထားသော မည်သည့်ခေါင်းလောင်းကြိုးနှင့် ခမည်းကြိုးကိုမဆို မချန်ထားဘဲ ဖြတ်တောက်ပစ်ရန် မှာကြားတော်မူခဲ့သည်။...