Annabi - tsira da amincin Allah su tabbata agare shi - ya bada labarin cewa Allah - alherinSa ya yawaita kuma Ya ɗaukaka - Ya ce: Na tanadarwa bayiNa na gari dan girmamawa a cikin aljanna abinda wani ido bai taɓa ganin zatinsa ba, kuma wani kunne bai taɓa jin siffarsa ba, kuma haƙiƙaninsa bai taɓa afkuwa ko wucewa akan zuciyar wani ɗan Adam ba. Abu Huraira - Allah Ya yarda da shi - ya ce: Idan kun so ku karanta: {Wata rai ba ta sanin abinda aka ɓoye musu na abinda rai yake farin ciki (da shi)} [al-Sajda: 17].

• Wannan Hadisin yana daga abin da Annabi - tsira da amincin Allah su tabbata a gare shi - yake ruwaito shi daga Ubangijinsa, ana ambatonsa da Hadisi Ƙudsi, ko Ilahi, shi ne wanda lafazinsa da ma'anarsa daga Allah ne, sai dai shi babu keɓance-keɓancen Alƙur’ani a cikinsa waɗanda ya keɓanta da su daga waninsa, kamar bauta da karanta shi, da yin alwala sabo da taɓa shi da fito na fito(ƙalubalanta) da gajiyarwa, (Mu’ujiza) da sauransu.
• Kwaɗaitarwa akan ayyukan ɗa'a da barin ayyukan ƙi; dan rabauta da abinda Allah Ya tanadar da shi ga bayinSa na gari.
• Allah - Maɗaukakin sarki - bai tsinkayar da mu ba a cikin LittafinSa da sunnar ManzonSa akan dukkan abinda ke cikin aljanna, kuma abinda bamu san shi ba, ba shi ne mafi girma daga abinda muka san shi ba.
• Bayanin cikar ni'imar aljanna, kuma cewa ma'abotanta suna samun farin cikin da ya wofinta daga gurɓata ko rashin jin daɗi.
• Jin daɗin rayuwar duniya mai gushewa ne lahira kuwa ita ce mafi alheri kuma mafi wanzuwa.

1. Gida
2. Falaloli da Ladabai
3. Faxakarwa da Wa’azozi
4. Sifar Al-janna da Wuta
5. Hadith

• Lallai a cikin aljanna akwai wata kasuwar da 'yan aljanna suke zuwanta kowacce Jumu'a
• "Lallai 'Yan Al-janna suna ganin Dakunan a cikin Al-Jannah kamar yadda kuke ganin Taurari a Sama"
• Akwai matakai guda dari a Sama wanda Allah ya tanadar wa mujahidai a tafarkin Allah, tsakanin darajoji biyu kamar tsakanin sama da kasa
• Dukkan abunda nabawa bawana halal ne, Kuma lallai ni na halicci bayi na kan turba baki xayan, kuma lallai su Shaixanu sun zo musu suka kautar da su daga Addinin su