የአማኞች እናት ዓኢሻ (ረዲየሏሁ ዐንሃ) - አላህ መልካም ሥራዋን ይውደድላትና - ነቢዩ (የአላህ ሰላትና ሰላም በእርሳቸው ላይ ይስፈን) ጠንቶባቸው በርሱ ምክንያት የሞቱበት በሆነው በሽታቸው ወቅት እንዲህ ይሉ እንደነበር ተናገረች: "አይሁዶችና ክርስቲያኖችን አላህ ይርገማቸው። ከእዝነቱ ያባራቸው። ይህም እነርሱ የነቢያቶቻቸውን መቃብር መስጂድ አድርገው ስለያዙ ነው።" ይህም መቃብሩ ላይ መስጂድ በመገንባት ወይም እርሱ ዘንድ ወይም ወደርሱ ዞሮ በመስገድ ነው። ቀጥላም ዓኢሻ (ረዺየሏሁ ዐንሃ) - አላህ መልካም ሥራዋን ይውደድላትና - "ይህ የነቢዩ (የአላህ ሰላትና ሰላም በእርሳቸው ላይ ይስፈን) ክልከላና ማስጠንቀቂያ ባይኖር ኖሮና እንዲሁም አይሁዶችና ክርስቲያኖች በነቢያቶቻቸው መቃብር ላይ እንደፈፀሙት በነቢዩ (የአላህ ሰላትና ሰላም በእርሳቸው ላይ ይስፈን) ቀብር ላይም እንዳይፈፀም ሶሐቦች ባይፈሩ ኖሮ ቀብራቸው ይፋና ግልፅ ይሆን ነበር።" አለች።

• ይህ ምክር ከመጨረሻ ምክሮቻቸው መካከል መሆኑ የጉዳዩን አንገብጋቢነትና ትኩረት እንደሚያስፈልገው የሚጠቁም ነው።
• መቃብርን መስጂድ አድርጎ በመያዝና መቃብር ዘንድ ሶላት ለመስገድ በማሰብ ዙሪያ ከባድ ክልከላና ጠንካራ ውግዘት መምጣቱን እንረዳለን። የተከለከለው ሶላትም ከሶላተል ጀናዛ ውጪ ነው። ይህን ማድረግም ሟችን ወደማላቅ፤ ቀብሩን ጦዋፍ ወደማድረግ፤ ቀብሩን ወደመዳበስና ስሙን ወደመጥራት የሚያዳርስ ነው። እነዚህ ሁሉ ደግሞ ሺርክና ወደ ሺርክ የሚያዳርሱ ነገሮች ናቸው።
• የአላህ መልክተኛ (የአላህ ሰላትና ሰላም በእርሳቸው ላይ ይስፈን) ለተውሒድ ከባድ ትኩረትና አፅንዖት መስጠታቸውን እንዲሁም ቀብርን ከማላቅ መፍራታቸውን እንረዳለን። ይህም ወደ ሺርክ ስለሚያደርስ ነው።
• አላህ ነቢዩን (የአላህ ሰላትና ሰላም በእርሳቸው ላይ ይስፈን) ቀብራቸው ዘንድ ሺርክ ከመሰራት ጠበቃቸው። አላህ ሱብሓነሁ ወተዓላ የርሳቸውን ባልደረቦችንና ከነርሱ በኋላ የመጡትን ትውልዶች የርሳቸው ቀብር ለሽርክ መናኸሪያነት ግልፅ ከመሆን እንዲጠብቁ መፍትሄውን አሳወቃቸው።
• ሶሐቦች (ረዲየሏሁ ዐንሁም) በነቢዩ (የአላህ ሰላትና ሰላም በእርሳቸው ላይ ይስፈን) ምክር መስራታቸውና በተውሒድ ላይ ያላቸውን ጉጉት እንረዳለን።
• ከየሁዶችና ክርስቲያኖች ጋር መመሳሰል መከልከሉንና መቃብር ላይ መገንባትም የነርሱ መንገድ እንደሆነ እንረዳለን።
• መስገጃ ባይገነባበት እንኳ ቀብር ዘንድ መስገድና ወደርሱ ዙሮ መስገድም መቃብርን መስገጃ አድርጎ መያዝ ውስጥ ይካተታል።

1. ዋና ገፅ
2. ዐቂዳ (እምነት)
3. በአላህ ማመን
4. አላህን በተመላኪነቱ መነጠል
5. ሓዲሥ

1. ዋና ገፅ
2. ፊቅህና የፊቂህ መርሆዎች
3. የአምልኮ ፊቂህ
4. ጀናዛ
5. ቀብርን መዘየር
6. ሓዲሥ

• 'የላቀውና የተከበረው አላህ በአባቶቻችሁ ከመማል ይከለክላችኃል።
• ይህቺ ጂኒ የሚሰርቃት የእውነት ንግግር ናት። በወዳጁ ጆሮ ውስጥም ዶሮ ጩኸቷን እንደምትደጋግመው ይደጋግምለታል። በዚህች እውነት ውስጥም ከመቶ ውሸት በላይ ይቀላቅሉበታል።'...
• እኔ ከናንተ መካከል ፍፁም ወዳጅ ከመያዝ ወደ አላህ እጥራራለሁ። ምክንያቱም የላቀው አሏህ ኢብራሂምን ፍፁም ወዳጅ
• እነዚህን ሁለት ጫማዎቼን ያዝና ሂድ! ከዚህ የአትክልት ግቢ ውጪ የምታገኘውን ላኢላሃ ኢለሏህን ከልቡ አምኖበት የሚመሰክርን ሰው በጀነት አበስረው።