اللہ کے نبی صلی اللہ علیہ و سلم عید کے دن عید گاہ کی جانب نکلے۔ چوں کہ آپ نے عورتوں سے وعدہ کر رکھا تھا کہ انھیں الگ سے دین کی باتیں بتائيں گے، اس لیے اس دن وعدہ پورا کر دیا۔ اس درمیان آپ نے کہا: اے عورتو! تم صدقہ کیا کرو اور زیادہ سے زیادہ مغفرت طلب کیا کرو کہ یہ دونوں گناہوں کی معافی کے دو عظیم ترین اسباب ہیں۔ کیوں کہ میں نے اسرا کی رات جہنم کے اندر تمھاری تعداد زیادہ دیکھی۔ اتنا سننے کے بعد وہاں موجود ایک عقل وخرد کی مالک با وقار عورت نے عرض کیا: اے اللہ کے رسول! جہنم کے اندر ہماری تعداد زیادہ ہونے کی وجہ کیا ہے؟ آپ نے جواب دیا: اس کی کئی وجوہات ہیں: تم بہ کثرت لعن طعن اور گالی گلوج کرتی ہو اور شوہر کے حق کا انکار کرتی ہو۔ پھر آپ نے ان کا وصف بیان کرتے ہوئے فرمایا: میں عقل اور دین میں ناقص ہونے کے باوجود تم (عورتوں) سے زیادہ کسی کو بھی ایک عقل مند، دور اندیش اور ضبط کے مالک شخص کی عقل کو ماؤف کر دینے والا نہيں دیکھا۔ اس عورت نے عرض کیا: ہماری عقل اور ہمارے دین کی کمی کہاں سے عیاں ہوتی ہے؟ آپ نے فرمایا: جہاں تک عقل کی کمی کی بات ہے، تو دو عورتوں کی گواہی ایک مرد کے برابر ہے۔ یہ عقل کی کمی ہوئی۔ جب کہ دین کی کمی یہ ہے کہ اس کے اعمال صالحہ نسبتاً کم ہوتے ہیں۔ وہ اس طرح کہ حیض کی وجہ سے وہ کئی دنوں تک نماز نہیں پڑھتی اور رمضان میں اس کے کئی روزے چھوٹ جاتے ہیں۔ لیکن یہاں یہ یاد رہے کہ حیض کی وجہ سے نماز اور روزہ چھوڑنے کی بنا پر عورت کو برا بھلا نہیں کہا جائے گا اور اس کی پکڑ بھی نہیں ہوگی۔ کیوں کہ یہ فطری چیز ہے۔ بالکل ویسے ہی، جیسے انسان فطری طور پر مال کا گرویدہ، جلد باز اور نادان ہوا کرتا ہے... لیکن آپ نے اس کی تنبیہ فرمائی تاکہ عورتوں کے فتنے میں مبتلا ہونے سے ہوشیار رہا جائے۔

• عورتوں کا عید کی نماز کے لیے نکلنے اور ان کے لیے الگ سے وعظ ونصیحت کا بندوبست کرنا مستحب ہے۔
• اس حدیث سے معلوم ہوتا ہے کہ شوہر کی نافرمانی اور کثرت سے لعنت کرنا گناہ کبیرہ ہے؛ کیوں کہ جہنم کی دھمکی اس بات کی علامت ہے کہ یہ گناہ کبیرہ ہے۔
• اس حدیث میں ایمان کے بڑھنے اور گھٹنے کا بیان ہے۔ لہذا جس نے اپنی عبادت کو بڑھایا اس کے ایمان اور دین میں اضافہ ہوا اور جس نے اپنی عبادت میں کمی کی اس کے دین میں کمی آئی۔
• نووی کہتے ہیں: عقل میں کمی بیشی ہو سکتی ہے۔ اسی طرح ایمان میں بھی کمی بیشی ہو سکتی ہے۔ واضح رہے کہ عورتوں کے اندر موجود کمی کو بیان کرنے کا مقصد اس پر ان کی ملامت کرنا نہیں ہے۔ کیوں کہ یہ کمی ان کے اندر فطری طور پر موجود ہے۔ یہاں اسے بیان کرنے کا مقصد ان کے فتنے میں پڑنے سے آگاہ کرنا ہے۔ اسی وجہ سے عذاب کی وجہ شوہر کی ناشکری بتائی گئی ہے، ان کے اندر موجود کمی نہيں۔ دین کی کمی کا انحصار انھیں باتوں پر نہيں ہے جن سے گناہ ہوتا ہے، بلکہ اس کا دائرہ اس سے کہيں زیادہ وسیع ہے۔
• اس حدیث سے معلوم ہوتا ہے کہ اگر بات کا مطلب واضح نہ ہوتا ہو تو متعلم عالم سے اور تابع متبوع سے وضاحت طلب کر سکتا ہے۔
• اس حدیث سے معلوم ہوتا ہے کہ عورت کی گواہی مرد کے مقابلے میں آدھی ہے، کیوں کہ اس کے اندر ضبط وحافظہ کی کمی پائی جاتی ہے۔
• ابن حجر عسقلانی اللہ کے رسول صلی اللہ علیہ وسلم کی حدیث "مَا رَأَيْتُ مِنْ نَاقِصَاتِ عَقْلٍ وَدِينٍ أَذْهَبَ لِلُبِّ الرَّجُلِ الحَازِمِ مِنْ إِحْدَاكُنَّ" کے بارے میں لکھتے ہیں: مجھے لگتا ہے جہنم کے اندر عورتوں کی اکثریت ہونے کا ایک سبب یہ بھی ہے۔ کیوں کہ جب یہ عورتیں عقل مند انسان کی عقل کو ماؤف کر دینے کا سبب ہیں، جس کے نتیجے میں وہ نامناسب بات یا نامناسب کام کر بیٹھتا ہے، تو گویا کہ اس گناہ میں وہ بھی شریک ہوئیں۔
• عورت کے لیے حیض کے ایام میں نماز پڑھنا اور روزہ رکھنا حرام ہے۔ یہی حال نفاس والی عورت کا بھی ہے۔ دونوں پاک ہو جانے کے بعد روزے کی قضا کریں گی، نماز کی نہیں۔
• نبی صلی اللہ علیہ وسلم کا حسن اخلاق کہ آپ صلی اللہ علیہ وسلم نے بغیر کسی پھٹکاروملامت کے خواتین کے سوالوں کے جواب مرحمت فرمادیے۔
• ابن حجر کہتے ہيں: صدقہ عذاب کو دور کرتا ہے۔ وہ کبھی کبھی مخلوقوں کے درمیان ہونے والے گناہ کو بھی مٹا دیتا ہے۔
• نووی کہتے ہيں: عورتوں کا دینی نقص حیض کے دنوں میں نماز اور روزہ چھوڑنے کی وجہ سے ہے۔ کیوں کہ جس کی عبادت زیادہ ہوتی ہے، اس کا دین اور ایمان بڑھ جاتا ہے۔ اس کے برخلاف جس کی عبادت کم ہوتی ہے، اس کے دین میں کمی آجاتی ہے۔ پھر دینی نقص کبھی گناہ کا سبب بن جاتا ہے۔ جیسے نماز اور روزہ جیسی واجب عبادتوں کو بلا عذر چھوڑ دینا۔ کبھی گناہ کا سبب نہیں بھی بنتا۔ جیسے ایسے شخص کا جمعہ اور جہاد چھوڑنا، جس پر دونوں واجب نہ ہوں۔ جب کہ کبھی کبھی انسان اس کا مکلف ہوتا ہے جیسے حائضہ عورت کا نماز اور روزہ چھوڑنا۔

1. صفحہ رئیسی
2. فقہ و اصولِ فقہ
3. خاندان سے متعلق شرعی مسائل
4. عورتوں سے متعلق احکام
5. حدیث

1. صفحہ رئیسی
2. فضائل و آداب
3. دل کو نرم کرنے والی باتیں اور مواعظ
4. جنت و دوزخ کا بیان
5. حدیث

• جسے اللہ تعالی نے اس کے دونوں جبڑوں کے مابین موجود شے اور اس کے دونوں پاؤں کے مابین موجود شے کے شر سے بچا لیا وہ جنت میں داخل ہو گیا۔
• ”جو شخص مجھے اپنے دونوں جبڑوں کے درمیان والی چیز (زبان) اور اپنی دونوں ٹانگوں کے درمیان والی چیز (شرم گاہ) کی حفاظت کی ضمانت دے دے، میں اسے جنت کی ضمانت دیتا ہوں“۔...
• جنت میں ایک کمان کے برابر جگہ، دنیا کی ان تمام چیزوں سے بہتر ہے، جن پر سورج طلوع یا غروب ہوتا ہے۔
• تین قسم کے لوگ جنت میں داخل نہیں ہوں گے؛ شراب ہمیشہ پینے والا، رشتے ناتے کو کاٹنے والا اور جادو کو سچ ماننے والا