ఈ హదీథులో ఉబయ్ ఇబ్న్ కాబ్ రదియల్లాహు అన్హు ఇలా తెలిపినారు: అన్సారులకు చెందిన ఒక వ్యక్తి మస్జిదు అన్నబవీ నుండి చాలా దూరంలో నివసించేవాడు, అయినప్పటికీ అతను ఒక్క నమాజును కూడా కోల్పోలేదు; అతను ప్రతి నమాజును ప్రవక్త సల్లల్లాహు అలైహి వసల్లంతో ఆచరించేవాడు. అతనితో ఇలా అనబడింది: “రాత్రి చీకటిలో మరియు పగటిపూట ఎండలో స్వారీ చేయడానికి మీరు ఒక గాడిదను కొనుక్కోగలిగితే బాగుండేది కదా”. దానికి అతను ఇలా జవాబిచ్చాడు: “నా ఇల్లు మసీదు పక్కన ఉండటం నాకు ఇష్టం లేదు. నేను మస్జిదుకు నడుచుకుంటూ రావడం, మరియు తిరిగి ఇంటికి నా కుటుంబం వద్దకు వెళ్ళడం అల్లాహ్ నా కొరకు నమోదు చేయాలని కోరుకుంటున్నాను.” అతని మాటలు ప్రవక్త సల్లల్లాహు అలైహి వసల్లం వారికి చేరగా, ఆయన సల్లల్లాహు అలైహి వసల్లం ఇలా అన్నారు: “వాటన్నింటినీ అల్లాహ్ నీ కొరకు సమీకరించినాడు.”

• ఈ హదీథులో - మంచిని అనుసరించడంలో, ఎక్కువ సత్కార్యాలు చేయుటకు కృషి చేయడములో మరియు ఉత్తమమైన ప్రతిఫలాన్ని సంపాదించడములో సహాబాల యొక్క తీవ్రమైన ఆసక్తిని, కృషిని గమనించవచ్చు.
• "ఇమాం అన్-నవవీ (రహిమహుల్లాహ్) ఇలా అన్నారు: "ఈ హదీథు నమాజు నుండి తిరిగి వెళ్ళునప్పుడు వేసిన అడుగులకు కూడా ప్రతిఫలం లభిస్తుందని సూచిస్తుంది, ఏవిధంగానైతే నమాజు కొరకు వెళ్ళేటప్పుడు వేసిన అడుగులకు లభిస్తుందో."
• ఇందులో ముస్లింలు మంచి చేయాలని మరియు సద్గుణవంతులుగా, ధర్మబద్ధంగా ఉండాలని ఒకరికొకరు సలహా ఇస్తూ ఉండాలనే ప్రోత్సాహం ఉన్నది. ఎవరైనా తమ సోదరుడు కష్టాలను అనుభవిస్తున్నట్లు చూస్తే, దానిని ఎలా తగ్గించుకోవాలో అతనికి సలహా ఇవ్వాలి.
• నమాజు కొరకు ఇవ్వబడే పిలుపు (అజాన్) వినగలిగినంత వరకు, మస్జిదు నుండి దూరంగా ఉండటం అనేది జమాఅతుతో నమాజు ఆచరించలేక పోవడానికి ఒక కారణం కానేరదు.

1. హోమ్
2. దావహ్ మరియు హసబహ్
3. అల్లాహ్ వైపు పిలుపు
4. ఇస్లాం ప్రాముఖ్యత మరియు దాని మంచి పద్దతులు
5. హదీస్

• “మానవుల శరీరంలో ప్రతి కీలు కొరకు, సూర్యుడు ఉదయించే దినాలలోని ప్రతి దినమూ, ఒక దానము (చేయవలసి) ఉంది...
• ఓ ప్రజలారా! నిశ్చయంగా అల్లాహ్ మీ నుండి జాహిలియహ్ కాలపు (ఇస్లాంకు పూర్వం ఉన్న అఙ్ఞాన కాలపు) అహంకారాన్ని మరియు వారి పూర్వీకుల గురించి వారి ప్రగల్భాలను తొలగించాడు...
• “అల్లాహ్ యొక్క దాసుడు ఒకవేళ వ్యాధిగ్రస్తుడై ఉన్నా లేదా ప్రయాణంలో ఉన్నా, అతడు స్థానికంగా ఉన్నపుడు లేదా ఆరోగ్యంగా ఉన్నపుడు చేసే మంచిపనులకు సమానంగా అతని కొరకు ప్రతిఫలం వ్రాయబడుతుంది”...
• “మానవుల శరీరంలో ప్రతి కీలు కొరకు, సూర్యుడు ఉదయించే దినాలలోని ప్రతి దినమూ, ఒక దానము (చేయవలసి) ఉంది...