উবাই ইবনু কাআব ৰাদ্বিয়াল্লাহু আনহুৱে হাদীছটোত বৰ্ণনা কৰিছে যে, আনচাৰসকলৰ এজন ব্যক্তিৰ ঘৰ মছজিদে নবৱীৰ পৰা আটাইতকৈ দূৰত আছিল। ইয়াৰ পিছতো তেওঁ কেতিয়াও জামাতত নামাজ এৰা নাছিল। বৰং প্ৰত্যেক ওৱাক্ততে নবী চাল্লাল্লাহু আলাইহি অছাল্লামৰ সৈতে নামাজত উপস্থিত হৈছিল। এবাৰ তেওঁক কোৱা হ'লঃ তুমি এটা গাধ কিনি নোলোৱা কিয়, যাতে ৰাতিৰ অন্ধকাৰত আৰু দিনত প্ৰখৰ ৰ'দৰ সময়ত আৰোহণ কৰি আহিব পাৰা? এই কথা শুনি তেওঁ ক'লেঃ মোৰ ঘৰ মছজিদৰ কাষত হওক এইটো মোৰ বাবে কোনো আনন্দৰ বিষয় নহয়। মই বিচাৰোঁ, মছজিদলৈ যোৱা মোৰ প্ৰতিটো খোঁজ আৰু মোৰ পৰিয়ালৰ ওচৰলৈ উভতি অহা প্ৰতিটো খোঁজৰ বিনিময়ত আল্লাহে মোৰ আমলনামাত ছোৱাব লিপিবদ্ধ কৰক। তেওঁৰ এই কথা ৰাছুলুল্লাহ চাল্লাল্লাহু আলাইহি অছাল্লামে অৱগত হোৱাৰ পিছত ক'লেঃ "মহান আল্লাহে তোমাৰ বাবে সেই সকলো ছোৱাব একত্ৰিত কৰি ৰাখিছে।"

• চাহাবাসকল সৎকৰ্ম কৰাৰ ক্ষেত্ৰত আৰু অধিক ছোৱাব অৰ্জন কৰাৰ ক্ষেত্ৰত অত্যন্ত আগ্ৰহী আছিল।
• ইমাম নাৱাৱীয়ে কৈছেঃ ইয়াৰ দ্বাৰা প্ৰমাণিত হয় যে, নামাজ আদায় কৰিবলৈ যোৱাৰ সময়ত যিদৰে প্ৰতিটো খোজতে ছোৱাব দান কৰা হয়, ঠিক সেইদৰে ওভোতাৰ সময়তো প্ৰতিটো পদক্ষেপৰ বিনিময়ত ছোৱাব দিয়া হয়।
• মুছলিমসকলে ইজনে সিজনক সৎকৰ্মৰ উপদেশ দিব লাগে তথা সৎ পৰামৰ্শ দিব লাগে। যদি কোনোবাই কোনো মুছলিম ব্যক্তিক দেখা পায় যে, তেওঁ কষ্টত পৰিব পাৰে তেন্তে তেওঁ তাক সেইটো নিৰসন কৰাৰ পৰামৰ্শ দিয়া উচিত।
• যদি আজান শুনিবলৈ পায়, তেন্তে মছজিদৰ পৰা ঘৰ দূৰৈত থকাটো জামাতত যোগদানৰ পৰা বিৰত থকাৰ কোনো অজুহাত হ'ব নোৱাৰে।

1. মুখ্য পৃষ্ঠা
2. আল্লাহৰ প্ৰতি আহ্বান আৰু সংস্কাৰমূলক বিষয়
3. আল্লাহৰ প্ৰতি আহ্বান
4. ইছলামৰ ফজিলত আৰু ইয়াৰ সৌন্দৰ্য
5. হাদীছ

• হে মানৱজাতি! আল্লাহে তোমালোকৰ পৰা জাহিলী যুগৰ দম্ভ আৰু অহংকাৰ তথা পূৰ্বপুৰুষৰ প্ৰতি থকা গৌৰৱ আদিৰ কুঃসংস্কাৰ নিঃশেষ কৰিছে।...
• নিশ্চয় দ্বীন হৈছে সহজ-সৰল। দ্বীনি বিষয়ত যিয়েই উগ্ৰতা প্ৰদৰ্শন কৰে সি পৰাজিত হয়। এতেকে তোমালোকে মধ্যম পন্থা অৱলম্বন কৰা, আৰু মধ্যম পন্থাৰ নিকটৱৰ্তী থাকিবা...
• যেতিয়া বান্দা অসুস্থ হয় অথবা ভ্ৰমণত থাকে, তেতিয়া তাৰ বাবে সেই আমলৰ দৰেই (ছোৱাব) লিখা হয়, যিদৰে তেওঁ মুকীম অৱস্থাত সুস্থ শৰীৰে আমল কৰিছিল।...
• মানুহৰ প্ৰতিটো গাঁঠিৰ বিপৰীতে চাদাক্বাহ আছে।