Profeti ﷺ po na tregon në këtë hadith se besimtarin mund ta godasë ndonjë sprovë në veten e tij, në pasurinë e tij e në gjëra të tjera dhe se Allahu do ta shpërblejë për ato sprova nëse është i durueshëm. Kështu, sa më e madhe të jetë sprova dhe sa më i madh të jetë rreziku i saj, aq më i madh do të jetë shpërblimi i saj tek Allahu. Më pas Profeti ﷺ sqaroi se sprovat janë shenja se Allahu e do besimtarin dhe se caktimi e paracaktimi i Allahut në mënyrë të pashmangshme do të realizohet. Andaj, atë që është i durueshëm dhe i kënaqur, Allahu do ta shpërblejë për këtë, duke qenë i kënaqur ndaj tij, e mjafton ky si shpërblim, sikundërqë, atë që zemërohet dhe e urren caktimin dhe paracaktimin e Allahut, Ai do të zemërohet me të, e mjafton ky si ndëshkim.

• Vërtet sprovat janë shlyese të mëkateve, për sa kohë që, si pasojë e tyre, nuk vjen braktisja e ndonjë obligimi, si: braktisja e durimit ose veprimi i ndonjë harami, si: shqyerja e rrobave dhe goditja e fytyrës.
• Pohimi i cilësisë së dashurisë për Allahun, ashtu siç i përshtatet madhërisë së Tij.
• Sprova që e godet besimtarin është prej shenjave të besimit.
• Pohimi i cilësisë së kënaqjes dhe zemërimit për Allahun, ashtu siç i përshtatet madhërisë së Tij.
• Pëlqyeshmëria që të kënaqemi me caktimin dhe paracaktimin e Allahut.
• Është haram zemërimi nga caktimi dhe përcaktimi i Allahut.
• Inkurajimi për të bërë durim gjatë sprovave.
• Njeriu ndodh të urrejë një gjë, e ajo të jetë mirësi për të.
• Pohimi se Allahu i Lartësuar ka urtësi në veprimet e Tij.
• Shpërblimi është sipas llojit të veprës.

1. Ballina
2. Akideja
3. Besimi në kadanë dhe kaderin
4. Hadithi

• “Çdo gjë është me caktimin e Allahut, madje edhe pafuqia dhe fuqia, - ose ka thënë: fuqia dhe pafuqia (për të vepruar diçka).”
• Thuaj: "La ilahe il-lallah, që të dëshmoj për ty në Ditën e Kiametit
• “O djalosh, po t'i mësoj disa fjalë: “Ruaje Allahun, që Ai të të ruajë ty! Ruaje Allahun, që ta kesh pranë! Kur të lypësh, lypi Allahut, e kur të kërkosh ndihmë, kërko nga Allahu!
• Sprova vazhdon ta godasë besimtarin dhe besimtaren në vetet e tyre, fëmijët dhe pasurinë derisa ta takojnë Allahun dhe të mos kenë mëkate fare