رسول الله صلی الله علیه وسلم په دې حدیث کې موږ ته خبر راکوي چې که پر یو مؤمن د هغه په ځان او یا د هغه په ​مال یا بل ډول مصیبت راشي ، نو الله تعالی به ورته د مصیبتونو اجر ورکوي که هغه صبر وکړي. څومره چې مصیبتونه لوی وي او خطرونه یې زیات وي همغومره یې د الله سره اجر او ثواب زیات دي - بیا هغه - صلی الله علیه وسلم - وفرمایل - چې آفتونه د مؤمن سره د الله د مینې نښانې دي او دا چې د الله حکم او فرمان حتمي پلی کیږي چاره نشته. خو څوک چې صبر وکړي او راضي شي، الله به د هغه په ​​خوښۍ او رضایت سره هغه ته پوره اجر او ثواب وركړي او څوک چې زړه بدی شو او د الله له حكم او تقدير څخه یې نفرت وكړ، نو الله به ورڅخه ناراضه شي او پوره جزا به ورکړي.

• مصیبتونه د ګناهونو کفاره ده تر څو چې پرې واجب پري نه ږدي، لکه د صبر پرېښودل او يا کوم حرام کار کول لکه - د مصیبت پر مهال - ګریوان څېرې کول او مخونه وهل.
• الله تعالی ته د محبت د صفت ثابتول په داسې طریقه چې د هغه د لویۍ سره ښایي.
• مصیبت د مؤمن لپاره د ایمان له نخښو څخه دی.
• الله تعالی ته د رضایت او غصې صفتونو ثابتېدل لکه څرنګه چې د هغه د عظمت سره ښایي.
• د الله په پریکړې او تقدیر سره د خوښۍ څرګندولو روا والی.
• د الله په پریکړه او تقدیر د خفه کيدلو حراموالی.
• په مصیبتونو د صبر او استقامت ټینګار.
• انسان ډیر کرتې یو شی بد ګڼي لیکن په هغې کې یې خیر وي.
• د الله تعالی په کړنو کې هغه ته د حکمت ثابتول.
• جزا د کړنې له جنس څخه وي.

1. کور‌پاڼه
2. عقیده
3. پر قضاء او تقدير ايمان
4. حدیث

• هر څه په تقدیر باندې دي، تر دې چې تنبلي او ویښتوب او یا ویښتوب او تنبلي
• کله چې الله تعالی د یو بنده په اړه په یوه ځمکه کې د هغه د مرګ پرېکړه وکړي، نو هغې ځمکې ته د ورتګ لپاره ورته اړتیا پیدا کړی شي
• اې هلکه، زه تا ته څو خبرې درښیم: الله په ياد لره، هغه به دې ساتنه وکړي، الله په ياد لره، هغه به دې په وړاندې ومومې، کله دې چې څه غوښتل نو له الله څخه یې وغواړه، او کله دې چې مرسته غوښتله، نو له الله نه یې وغواړه...
• (لَا إِلَهَ إِلَّا اللهُ) ووایه، زه به درته د الله تعالی په وړاندې د قیامت په ورځ ګواهي ورکړم