د رسول الله صلى الله عليه وسلم له هر اړخيزه دعاګانو څخه يوه دا هم وه: "رب اغفر لي خطيئتي" وذنبي، "وجهلي" وما وَقَع مِنِّي بدون علم. "ربه، زما ګناه وبخښه" او زما "ناپوهي" او هغه څه چې زما په ناپوهۍ شوي دي. "او زما په ټولو چارو کې زما اسراف" او زما غفلت او له حده تېرېدل. "او هغه څه چې ته پرې زما څخه ښه خبر یې" ته پرې پوه شوی یې یا الله، او زما هېر دی. "اې الله، ماته زما تېروتنې او قصدي ګناهونه وبخښه" او هغه چې په قصدي توګه زما څخه شوي دي، او هغه چې زه پوهېدم چې دا ګناه ده. " زما قصدي ګناهونه او هغه چې په ټوکه کې شوي دي " او هغه چې زما څخه په ټوکو او په دواړو حالتونو کې شوي دي. "وكل ذلك عندي" او دا ټول زما سره دي، ځکه چې ټول یاد شوي ګناهونه او عیبونه یې راونغاړل. "اللهم اغفر لي ما قدمت" یا الله ماته د مخکنیو(ګناهونو) بخښنه وکړې، هغه چې تېر شوي، "وما أخرت" او هغه چې وروسته راڅخه کېږي، چې په راتلونکي کې به راځي. "وما أسررت" او هغه چې ما پټ کړي" "وما أعلنت" او هغه چې ما ښکاره کړي. "أنت المقدم وأنت المؤخر" " ته مخته کوونکی او ته وروسته کوونکی یې، له خپلو بندګانو څخه چې چالره وغواړې نو په خپل توفیق سره یې مهربانۍ او ستا د خوښې وړ کړنو ته ورمخکې کوې، او چا لره چې وغواړې نو په ذلیل کولو سره یې وروسته کوې، نو څوک چې تا وروسته کړی وي هغه لره مخته کوونکی نشته، او څوک دې چې تا مخته کړی وي هغه لره وروسته کوونکی نشته. "وأنت على كل شيء قدير" او ته په هر څه قادر یې، قدرت دې پوره او اراده دې بشپړه ده، هر څه چې وغواړې هغه کولی شې.

• د دې دعا فضیلت او د رسول الله صلی الله علیه وسلم پر پیروۍ ټینګار.
• له اسراف څخه ممانعت او دا چې اسراف کوونکی د سزا وړ دی.
• الله تعالی د انسان پر حال له هغه څخه ښه پوه دی، نو باید چې خپل کارونه الله ته وسپاري؛ ځکه کېدی شي چې غلط شي په داسې حال کې چې نه به پوهیږي.
• کله انسان په ټوکه هم نیول کیږي لکه څنګه چې په قصدي ګناه سره نیول کیږي، نو انسان باید په ټوکو کې پاملرنه وکړي او له احتیاط نه کار واخلي.
• ابن حجر العسقلاني وايي: ما (د دې حدیث) په ​​هېڅ روايت کې د دې دعا لپاره ځای نه دی موندلی مګر دا چې د ډېری روایتونو په وروستۍ برخه کې راغلي چې... هغه به دا دعا د شپې (تهجد) لمانځه کې وییله، او دا هم راغلي چې هغه به د لمانځه په اخر کې ویله، او په دې اړه په رواياتو کې اختلاف دی چې آيا له سلام نه مخکې يې ويله که وروسته؟ دواړه روایتونه راغلي دي.
• آیا رسول الله صلی الله علیه وسلم تېروتنه کوله چې بخښنه یې غوښتله؟ویل کېږي چې هغه دا کار د عاجزۍ او نفس په زغم عادت کولو لپاره کاوه، او یا دا چې هغه صلی الله علیه وسلم په بشپړه توګه د یو عمل نه تر سره کول او یا د هغه کار پرېښودل چې لومړیتوب یې درلوده ګناه شمېرلې ده، یا دا چې موخه هغه کارونه و چې په سهوه کې ترې تر سره شوي دي، یا هغه چې له نبوت څخه وړاندې وو، او داسې هم ویل شوي چې: بښنه غوښتل عبادت دی نو کول یې واجب دي، نه دا چې د بخښنې غوښتلو په موخه وي بلکه د عبادت په موخه. او داسې هم ویل شوي چې: پدې کې یې د امت لپاره خبرداری او تعلیم دی؛ هسې نه چې ځان خوندي احساس کړي او بخښنه غوښتل پرېږدي.

1. کور‌پاڼه
2. فضایل او آداب
3. د دعاګانو او اذکارو فقه
4. نبوي دعاګانې
5. حدیث

• اللهُمَّ إِنِّي أَعُوذُ بِكَ مِنْ زَوَالِ نِعْمَتِكَ، وَتَحَوُّلِ عَافِيَتِكَ، وَفُجَاءَةِ نِقْمَتِكَ، وَجَمِيعِ سَخَطِكَ». «اې الله! تا پورې له دې نه پناه غواړم چې ستا نعمت رانه زوال شي، ستا عافيت راڅخه واوړي او ناخبره راباندې ستا عذاب راش...
• رسول الله صلی الله علیه وسلم به اکثره دا ویل چې: «يَا مُقَلِّبَ القُلُوبِ ثَبِّتْ قَلْبِي عَلَى دِينِكَ»، «اې د زړونو اړوونکیه ذاته! زما زړه په خپل دین ثابت کړه...
• اې الله ! تاته مې غاړه اېښودلې، پر تا مې ایمان راوړی، پر تا مې توکل کړی، تا ته مې رجوع کړې او ستا لپاره مې شخړه کړې، اې الله ! زه د ستا په عزت پناه غواړم چې ستا پرته بل معبود نشته- لدې چې ما ګمراه کړې، ته هغه ژوندی ذات یې چې هېڅکله نه مرې، ...
• ووايه: لَا إِلَهَ إِلَّا اللهُ وَحْدَهُ لَا شَرِيكَ لَهُ، اللهُ أَكْبَرُ كَبِيرًا، وَالْحَمْدُ لِلَّهِ كَثِيرًا، سُبْحَانَ اللهِ رَبِّ الْعَالَمِينَ، لَا حَوْلَ وَلَا قُوَّةَ إِلَّا بِاللهِ الْعَزِيزِ الْحَكِيمِ...