Kabilang sa mga masaklaw na panalangin ng Propeta (basbasan siya ni Allāh at pangalagaan) ang sabi niya: "Rabbi -ghfir lī khaṭī'atī (O Allāh, magpatawad Ka sa akin sa pagkakamali ko,) pagkakasala ko "wa-jahlī (pagkamangmang ko,)" at anumang naganap mula sa akin nang walang kaalaman. "wa-isrāfī fī amrī kullihi (pagpapakalabis ko sa nauukol sa akin sa kabuuan nito,)" pagkukulang ko, paglampas ko sa hangganan, "wa-mā anta a`lamu bihi minnī (at anumang Ikaw ay higit na nakaaalam niyon kaysa sa akin) na nakaalam Ka nito mismo, O Allāh, at nakalimot ako nito mismo. "Allāhumma -ghfir lī khaṭāyāya wa-`amdī (O Allāh, magpatawad Ka sa akin sa mga pagkakamali ko, pananadya ko,)" anumang namutawi buhat sa isang pananadya mula sa akin at isang kaalam mula sa akin ng mga pagkakasala, "[wa-jiddī] wa-hazlī ([pagseseryoso ko,] at pagbibiro ko.)" anumang namutawi buhat sa isang pagpapatawa, at anumang naganap mula sa akin sa dalawang kalagayan. "wa-kullu dhālika `indī (Ang lahat ng iyon ay sa ganang akin)" yayamang natipon ang nabanggit na mga pagkakasala at mga kapintasan. "Allāhumma -ghfir lī mā qaddamtu (O Allāh, magpatawad Ka sa akin sa anumang ipinauna ko" sa anumang nakalipas "wa-mā akhkhartu,(at anumang ipinahuli ko,)" sa anumang darating, "wa-mā asrartu (at anumang inilihim ko)," anumang ikinubli ko, "wa-mā asrartu wa-mā a`lantu (at anumang inihayag ko)" at anumang inilantad ko. "Anta -lmuqaddimu wa anta -lmu'akhkhiru, (Ikaw ay ang Tagapagpauna at Ikaw ay ang Tagapagpahuli.)" Nagpapauna Ka sa sinumang niloob Mo mula sa nilikha mo tungo sa awa Mo at pagtutuon Mo sa anumang kinalulugdan Mo. Ikaw ay nagpapahuli sa sinumang niloloob Mo buhat doon dahil sa pagtatwa Mo sa kanya kaya walang tagapagpauna sa anumang ipinahuli Mo at walang tagapagpahuli sa anumang ipinauna Mo kabilang sa mga bagay-bagay. "wa-anta `alā kulli shay'in qadīr (Ikaw sa bawat bagay ay May-kakayahan)" na lubos sa kakayahan, ganap sa pagnanais, palagawa ng bawat anumang niloloob Mo.

• Ang kainaman ng panalanging ito at ang pagsisigasig dito bilang paggaya sa Propeta (basbasan siya ni Allāh at pangalagaan).
• Ang pagsaway laban sa pagpapakalabis at na ang nagpapakalabis ay isinasalang sa kaparusahan.
• Si Allāh (t) ay higit na nakaaalam sa tao kaysa sa sarili niya. Kaya naman kailangan sa kanya na magpaubaya ng nauukol sa kanya kay Allāh dahil siya ay maaaring magkamali habang siya ay hindi nakaaalam.
• Ang tao ay maaaring panagutin dahil sa pagbibiro niya gaya ng pagpapanagot sa kanya dahil sa pagseseryoso niya. Kaya naman kinakailangan sa tao na magbantay sa pagpapatawa niya.
• Nagsabi si Ibnu Ḥajar Al-`Asqalānīy: Hindi ako nakakita sa anuman mula sa mga kawing nito ng pagkakasalaysay ng lugar ng pagdalangin niyon. Naganap na ang karamihan ng huling bahagi nito... Siya noon ay nagsasabi nito sa ṣalāh [na pangkusang-loob] sa gabi. Naganap din na siya noon ay nagsasabi nito sa hulihan ng ṣalāh. Nagkaiba-iba ang salaysay kung siya ba noon ay nagsasabi nito bago ng taslīm o matapos nito. Sa pananalita niyon nasaad ito.
• Ang Propeta (basbasan siya ni Allāh at pangalagaan) ay nagkakamali kaya para humingi ng tawad? Sinabi na siya ay nagsabi nito bilang nagpapakumbaba at bilang pang-aaba sa sarili niya o nagturing ng pagkawala ng kalubusan at pag-iwan ng pinakamarapat bilang mga pagkakasala o tumutukoy sa nangyari bunga ng pagkalingat o nangyari bago ng pagkapropeta. Sinabing ang paghingi ng tawad ay isang pagpapakamananamba na kinakailangang isagawa hindi para sa kapatawaran bagkus bilang pagpapakamananamba. Sinabing iyon ay isang pagtawag-pansin at isang pagtuturo sa Kalipunan niya upang magkapag-asa sila at mag-iwan ng paghingi ng tawad.

1. Ang Pangunahin
2. Ang mga Kainaman at ang mga Kaasalan
3. Ang Fiqh ng mga Du`ā' at mga Dhikr
4. Ang mga Du`ā' na Ipinahatid
5. Ang ḥadīth

• Allāhumma innī as'aluka -l`āfiyata fi -ddunyā wa-l'ākhirah
• Kaya kapag humiling kayo kay Allāh, hilingin ninyo sa Kanya ang Firdaws."}
• O Allah sa Iyo ako ay sumuko at sa Iyo ako ay naniwala at sa Iyo ako ay umaasa at sa Iyo ako ay lumingon [upang magsisi] at upang makipagtalo,O Allah! Ako ay nagpapakupkop sa Kadakilaan Mo,Wala nang Ibang Diyos na dapat sambahin maliban sa ...
• Allāhumma innī a`ūdhu bika min munkarāti -l'akhlāqi wa-l'a`māli wa-l'ahwā'. (O Allāh, tunay na ako ay nagpapakupkop sa Iyo laban sa mga nakasasama sa mga kaasalan, mga gawain, at mga pithaya.)"}