رسول الله صلی الله علیه وسلم یو سړی ولیده چې په چپ لاس یې خوراک کاوه، نو امر یې ورته وکړ چې په ښي لاس خوراک وکړي، سړي په کبر او درواغو سره ځواب ورکړ چې نه شي کولای! نو رسول الله صلی الله علیه وسلم ورته ښېرا وکړه چې په ښي لاس له خوراک کولو څخه محروم شي، نو الله تعالی - د هغه سړي په حق کې - د خپل پېغمبر بد دعایي قبوله کړه او د هغه سړي ښی لاس شل شو چې له هغه وروسته یې بیا د خوراک او څښاک لپاره پورته نه کړ.

• په ښي لاس خوراک کول واجب او په چپ لاس حرام دي.
• د شرعي احکامو له پلي کولو څخه چې څوک سرغړونه او لویي کوي د سزا مستحق دی.
• الله جل جلاله پدې کار سره د خپل پېغمبر محمد صلی الله علیه وسلم درناوی وکړ چې دعا یې ورته قبوله کړه.
• په هر حالت کې امر بالمعروف او نهی عن المنکر روا دی، آن تر دې چې دا کار د ډوډۍ خوړلو پر مهال هم وشي.

1. کور‌پاڼه
2. فضایل او آداب
3. شرعي آداب
4. د خوراک او څښاک ادبونه
5. حدیث

• نو په خوراک مو سره راټول شئ او د الله نوم پرې یاد کړئ، برکت به پکې واچول شي
• یقینا چې الله جل جلاله له بنده څخه هغه مهال راضي کیږي کله چې هغه یوه مړۍ وخوري او بیا پرې د هغه ستاینه وکړي (الحمد لله ووایي) او یا یو ګوټ اوبه وڅښي او د هغه ستاینه پرې وکړي...
• اې هلکه، بسم الله ووایه، په ښي لاس خوراک کوه او له خپلې مخې څخه خوراک کوه
• شیطان هغو خوړو ته لار مومي چې د الله نوم پرې وانه خیستل شي